Yashyizweho kuri2 January, 2017 | 14:11

Perezida wa Tanzania yirukanye umuyobozi w’ikigo gishinzwe amashanyarazi

Umukuru w’Igihugu cya Tanzania Magufuli, yirukanye umuyobozi w’ikigo gishinzwe amashanyarazi muri iki gihugu , nyuma y’aho igiciro cy’amashanyarazi cyari kimaze kuzamurwa.


Perezida Magufuli avuga ko bitumvikana uburyo abantu babyuka bakazamura ibiciro by’amashanyarazi uko bashatse, mu gihe we afite gahunda yo kuyageza ku baturage benshi ba Tanzania no kubaka ubukungu bushingiye ku nganda.

Uwirukanwe na Perezida Magufuli ni uwitwa Felchesmi Mramba, akaba yahise asimburwa n’uwitwa Esau Mwinuka wari usanzwe ari umwarimu muri Kaminuza ya Dar es Salam.

Mramba yari kuri uyu mwanya kuva mu mwaka wa 2012, uyu akaba abaye n’umuyobozi ukomeye muri leta, Perezida Magufuli yirukanye mu mwaka wa 2017.

Amashanyarazi muri iki gihugu akaba yari yazamuwe ku kigero 8.53%.
Itangazo ryasohowe n’ibiro bya Perezida Magufuli rigira riti, “Ntabwo byemewe ko mu gihe turimo gushaka kubaka inganda no gushaka uko abaturage benshi bagerwaho n’amashanyarazi, umuntu aza agakoresha umwanya afite akongera ibiciro uko ashatse.”

Ibinyamakuru birimo The Citizen bivuga ko abaturage bangana na 40%, ku baturage miliyoni 50 batuye Tanzania, ari bo bagerwaho n’amashanyarazi.

Ni mu gihe Perezida Magufuli we ashaka ko mu mwaka wa 2025, byibuze abaturage bangana na 75% baba bafite amashanyarazi.

Felchemi Mramba wirukanwe ku buyobozi bwa TANESCO

Yanditswe na Niyomugabo Rorbert/Muhabura.rw


Tanga igitecyerezo

Amazina
Ubutumwa

1 Comment

NDAYISENGA Venuste - 3 January

Ndabakunda cyane kuko mugira inkuru z’uburyo bwose. courage rwose!

Izindi nkuru