Yashyizweho kuri1 May, 2020 | 11:38

Perezida Trump ahanganye n’ubutasi bw’Amamerika ku cy’ibazo cya Coronavirus

Perezida Donald Trump yagaragaje ko adahuza n’inzego z’ubutasi za Leta ye ubwo yavugaga ko yabonye ibihamya ko coronavirus yakorewe muri Laboratoire mu Bushinwa.

Uyobora ibiro by’ubutasi bya Amerika yari yatangaje ko bakiri gukora iperereza ku nkomoko y’iyi virus ibintu bitashimije Perezida Trump .

Ibiro by’ubutasi bw’ Amerika bivuga ko bwamaze kubona ko Covid-19 "Atari virus yakozwe n’abantu cyangwa yahinduwe nkana".

Ubushinwa bwahakanye kenshi ibivugwa ko iyi virus yaba yarakowe muri Laboratoire.

Kuva iyi virus yaboneka bwa mbere i Wuhan mu Bushinwa mu mpera z’umwaka ushize, abantu bagera kuri miliyoni 3,2 ku isi bamaze kuyandura, naho abarenga 230,000 yarabishe.

Ku mugoroba ejo kuwa kane, Perezida Trump yabajijwe n’umunyamakuru niba "Hari ibihamya bikomeye yari yabona ko Wuhan Institute of Virology ariho iyi virus yaba yarakomotse".

Perezida Trump yavuze iki?

Perezida Trump atavuze byinshi yasubije Ati: "Yego, ndabifite. Yego, ndabifite".

Trump Ati: "Kandi ndatekereza ko OMS/WHO ikwiye guterwa isoni no kuba imeze nk’ishinzwe kuvuganira Ubushinwa".

Abajijwe gusobanura neza ibyo avuga, yagize ati: "Ntabwo nabibwira. Ntabwo nemerewe kubibabwira".

Perezida Trump yavuze ko atazi neza niba Ubushinwa bwarayikoze habayeho kwibeshya cyangwa bigambiriwe, avuga ko icyo bwongeyeho ari ugukora irindi kosa.

Perezida Trump yagize Ati: "Sinumva uburyo abantu batemererwaga kugenda imbere mu Bushinwa ariko bakemererwa kujya ahandi ku isi. Ni ibintu bibi, ni ikibazo gukomeye bagomba gusubiza".

kuwa kane, ikinyamakuru New York Times cyavuze ko umwe mu bategetsi bakuru muri White House yasabye ibiro bishinzwe ubutasi guperereza niba iyi virus yaravuye muri Laboratoire y’i Wuhan.

Ibyo biro kandi byasabwe guperereza niba Ubushinwa na OMS byari bifite amakuru kuri iyi virus mbere nk’uko umwe mu bategetsi ba Amerika utatangajwe yabibwiye NBC News.

Denis Fabrice Nsengumuremyi /MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru