Yashyizweho kuri29 January, 2019 | 17:46

Perezida Museveni yanenze bikomeye imikorere ya LONU

Mu ijambo ryanyuze kuri televiziyo yavugiye mu murwa mukuru Kampala, Perezida Yoweri Museveni wa Uganda yavuze ko ashidikanya ku kamaro k’umuryango w’abibumbye, ndetse avuga ko leta ya Somalia nta "buyobozi buhamye" ifite.

Yavuze ko Somalia ari urugero rumwe yatanga, ariko yirinda gutanga izindi ngero z’ibindi bihugu "ku mpamvu za diplomasi [imibanire y’ibihugu]".

Perezida Museveni yavuze ayo magambo kuwa Mbere tariki 28 Mutarama, mu nama ngaruka mwaka y’abakora mu rwego rw’ubucamanza rw’iki gihugu.

Mu ijambo rye, yanenze ONU, by’umwihariko ku kuba ihagarariwe muri Repubulika ya Demokarasi ya Kongo "guhera mu mwaka wa 1960, ariko abantu bakaba bapfa nk’isazi".

Muri iryo jambo rye,Museveni yanagaragaje amakenga ku mutekano bivugwa ko wagaruwe n’ubutumwa bw’ingabo za ONU zikorera muri Kongo buzwi nka MONUSCO.

Yagize ati"Ugiye muri Mali, ukajya n’aho handi hose, ndetse no muri Nigeria. Hari ibibazo bikomeye. [No muri] Tchad. Ariko hano twe twashinze inkingi y’umutekano".

Nkuko bitangazwa n’ikinyamakuru The Economist, ikigero cy’ibyaha muri Uganda kiraringaniye nubwo ibikorwa by’ubujura bikomeje kwiyongera. Iki kinyamakuru cyongeraho ko umutekano mucye wahindutse ikibazo cya politiki muri iki gihugu.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru