Yashyizweho kuri27 February, 2019 | 10:22

Perezida Muhammadu Buhari yongeye gutorerwa kuyobora Nigeria

Akanama gashinzwe amatora mu gihugu cya Nigeria watangaje ko Perezida Muhammadu Buhari yongeye gutorerwa kuyobora icyo gihugu mu yindi manda y’imyaka ine.

Perezida Buhari w’imyaka 76 y’amavuko yarushije uwo bari bahanganye bya hafi Atiku Abubakar aho yigeze kuba icyegera cy’umukuru w’igihugu,amajwi agera hafi ya miliyoni inye.

Abubakar wo mw’ishyaka People’s Democratic Party (PDP) yahakanye imibare y’ibyavuye mu matora yitabiriwe n’abantu bangana n’ibice 35,6%.

Nubwo indorerezi zigenga zavuze ko nta bujuru bwabaye muri ayo matora,ngo yaranzwe n’umutekano wagiye uhungabana hamwe na hamwe ndetse no gucyerererwa.

Ishyaka rya All Progressives Congress (APC) rya Buhari ryatsinze mu ntara 19 kuri 36, mu gihe PDP ryatsinze mu ntara 17 no ku murwa mukuru Abuja, nk’uko byatangajwe n’akanama gashinzwe amatora.

Nyuma y’uko imibare y’ibyavuye mu matora itangajwe Buhari yavuze ko ubutegetsi bushya bugoma kwibanda cyane ku mutekano, kuzamura ubukungu ndetse no kurwanya ruswa.

Ishyaka rya APC ryabonye amajwi miliyoni 15,2 naho PDP ibona amajwi miliyoni 11,3.

Bamwe mu bashyigikiye Buhari bahise bigabiza imihanda ejo ku wa Kabiri bishimira iyo ntsinzi.

Buhari yigeze kuba ari mu gisirikare, yayoboye igihugu cya Nigeria muri manda y’amezi 20 mu myaka ya 1980, ahita atorwa nk’umukuru w’igihugu mu 2015, bityo ahita aba uwa mbere utsinze umukuru w’igihugu akiri ku butegetsi.

Abarwanya Buhari bavuga ko amateka yari yatumye abona amajwi mu myaka ine ishize,nk’umuntu yari akomeye kandi adashobotse byagiye kuboneka nk’uko ntacyo byamaze.

Bamushinza ko ayoborana igitugu kandi asa n’uwudafata umwanzuro iyo bibaye ngombwa.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru