Yashyizweho kuri30 March, 2019 | 15:45

Perezida Kagame yifatanyije n’abaturage mu muganda wanyuma usoza ukwezi [REBA AMAFOTO]

Perezida Paul Kagame yifatanyije n’abaturage mu muganda usoza ukwezi kwa Werurwe, wabereye ku rwibutso rwa Jenoside rwa Nyanza ya Kicukiro, hubakwa imiyoboro y’amazi.

Ni umuganda Wabaye kuri uyu wa Gatandatu aho witabiriwe n’abandi bayobozi barimo abaminisitiri bashinzwe ibikorwa by’Umuryango wa Afurika y’Iburasirazuba mu bihugu bigize uyu muryango, n’abayobozi b’inzego zitandukanye zawo.

Perezida Kagame,mu ijambo rye yashimiye abitabiriye uyu muganda, ashimangira ko intego zawo ari ubakorera hamwe nk’abaturage hagamijwe iterambere ry’igihugu cyabo.

Yagize ati “Iyo dukorera hamwe, tugera kuri byinshi ndetse tukanarenzaho. Aho uzagera hose muri Afurika y’Iburasirazuba, haba muri Uganda, Kenya, u Burundi, Tanzania, Sudani y’Epfo, nusanga barimo gukora ngo bateze imbere igihugu cyabo, uzifatanye nabo.”

Akomeza agira ati“Turashaka guhuza imbaraga tugakorera hamwe nk’abanyarwanda, muri Afurika y’Iburasirazuba n’ahandi hose kuri uyu mugabane. Twumva inyungu ziri mu kwishyira hamwe no gukorera hamwe. Izo nizo ndangagaciro twifuza.”

Perezida Kagame yashishikarije abaturage kurushaho gukorera hamwe, hagamijwe kugera ku iterambere bifuza.

MUHABURA.RW


Tanga igitecyerezo

Amazina
Ubutumwa

1 Comment

- 2 weeks ago

Ibyiza nkibi ntahandi wabisanga, aho umukuru wigihugu yifatanya nabo ayobora gukora umuganda.

Izindi nkuru