Yashyizweho kuri8 January, 2018 | 12:31

Perezida Kagame yatorewe kuba Umunyafurika w’Umwaka wa 2018 atsinze abandi baperezida bakomeye

Perezida Paul Kagame yatorewe kuba Umunyafurika w’Umwaka wa 2018, atsinze abandi bantu batanu bakomeye muri Afurika bakoze ibikorwa by’indashyikirwa muri Afurika.

Perezida Kagame yaje ku isonga muri aya matora ategurwa n’Ikinyamakuru cyo mu Bwongereza kizwi nka ‘African Leadership Magazine’.

Byatangajwe ubwo urutonde rw’abatsinze rwashyirwaga ahagaragara kuwa Gatanu tariki 5 Mutarama 2018, nyuma y’uko hari hamaze iminsi haba amatora kuri internet.

Biteganyijwe ko abatowe bazashyikirizwa imidali tariki 24 Gashyantare 2018, i Johannesburg muri Afurika y’Epfo.

Abandi bari kuri uru rutonde ni Perezida wa Ghana, Nana Addo Dankwa Akuffo Addo, Perezida wa Tanzania John Pombe Magufuli, Umushoramari wo muri Nigeria Tony Elumelu, Umuyobozi Mukuru wa Shanduka Group, Cyril Ramaphosa n’Umuyobozi w’ikigo LADOL cyo muri Nigeria, Oladipo Jadesimi.

Chief editor /Muhabura.rw


Tanga igitecyerezo

Amazina
Ubutumwa

Izindi nkuru