Yashyizweho kuri3 December, 2018 | 11:23

Papa Francis ’ahangayikishijwe’ n’imibonano mpuzabitsina y’abapadiri

Papa Francis yavuze ko abihayimana bakora imibonano mpuzabitsina n’ab’igitsina kimwe ari "ikibazo gikomeye cyane" avuga ko kimuhangayikishije.

Ayo magambo akubiye mu kiganiro ku muhamagaro w’abihayimana, yagiranye n’umupadiri wo muri Espanye.

Icyo kiganiro kikaba ari kimwe mu bigize igitabo byitezwe ko uyu mupadiri asohora kuri uyu wa mbere.

Papa Francis yavuze ko guhuza ibitsina kw’ab’igitsina kimwe "byeze", nuko ashishikariza abihayimana gukurikiza amasezerano yabo yo kudashaka no kudakora imibonano mpuzabitsina.

Ku wa gatandatu, ikinyamakuru Corriere della Sera cyo mu Butaliyani gisohoka buri munsi, cyatangaje ku rubuga rwacyo rwa interineti ibice bimwe by’icyo kiganiro Papa Francis yagiranye n’uwo mupadiri.

Papa Francis yavuze ko Kiliziya Gatolika ikwiye "gukaza ibisabwa" mu guhitamo abashaka kuba abapadiri.

Yagize ati:"Ikibazo cy’abahuza ibitsina b’igitsina kimwe ni ikibazo gikomeye cyane".

Yongeyeho ko abatoza abitegura kuba abapadiri bagomba kugenzura niba "ari abantu bakuze kandi bakuze no mu bijyanye n’amarangamutima" mbere yuko bahabwa ubupadiri.

"Ku bw’iyi mpamvu, Kiliziya isaba ko abantu bafite iyi ngeso mbi batemererwa kuba mu iyogezabutumwa cyangwa mu buzima bw’abihayimana".

Yavuze ko ibi bireba n’abakobwa bashaka kuba ababikira.

Aya magambo ya Papa Francis yibutsa andi yatangajwe na Kiliziya Gatolika mu bihe byashize ajyanye no guhitamo abashaka kuba abihayimana.

Papa Francis yongeyeho ati:"Mu isi tubamo, bisa ndetse nkaho guhuza ibitsina kw’ab’igitsina kimwe bigezweho. Kandi iyi mitekerereze, hari ukuntu nayo igira ingaruka ku buzima bwa Kiliziya".

Yashimangiye ko "ibi nta mwanya bifite" mu buzima bw’abapadiri n’ababikira.

Mu mwaka wa 2013, Papa Francis yongeye kwemeza aho Kiliziya Gatolika ihagaze ku bijyanye n’abahuza ibitsina b’igitsina kimwe. Kiliziya Gatolika ivuga ko ibyo bikorwa ari icyaha, ariko ko ababaho muri ubwo buryo byo atari icyaha.

Yagize ati:"Niba umuntu ahuza igitsina n’undi w’igitsina kimwe na we kandi akaba ashaka Imana kandi akaba afite ugushaka kwiza, naba ndi nde ngiye kumucira urubanza?"

Igitabo "Imbaraga z’Umuhamagaro" cya Padiri Fernando Prado, gishingiye ku biganiro by’amasaha ane yagiranye na Papa Francis ku ngorane zo kuba uwihayimana.

JPEG - 66.5 kb
Icyo kiganiro Papa Francis yagiranye n’umupadiri wo muri Espanye, cyabaye hagati mu kwezi kwa munani uyu mwaka

Niyomugabo Albert /MUHABURA.RW


Tanga igitecyerezo

Amazina
Ubutumwa

1 Comment

Jomi antipape hodavie - 1 week ago

UKONUKWIVUGISHA TURAZIKO EKLEZIYA IBYEMERA NDETSEKWARIYO IGWIRIYEMO ABANYABYAHA CYANE RWOSE NIBAKUREHO ITEGEKO RYOKUBUZA ABAPADIRI GUSHAKA KUKO SIMANA YABITEGETSE AHUBWO AHARI NGIRANGO NI PAPA SOTERI,MURAKOZE.

Izindi nkuru