Yashyizweho kuri23 October, 2016 | 19:57

Obama nk’Umuperezida wacitse impfu nyinshi, umutekano we ukorwa ute?

Leta Zunze Ubumwe za Amerika ni kimwe mu bihugu bikomeye ku isi haba mu bijyanye n’ubukungu, umutekano, iterambere ndetse no muri demokarasi. Amerika ni kimwe kandi mu bihugu bifite umwihariko urenze uwo ibihugu cyose ku Isi mu kurinda umutekano wa Perezida wabo igihe agiriye uruzinduko runaka mu kindi Gihugu.

Amerika kandi ni kimwe mu bihugu bipanga igihe kirekire ibintu mbere y’uko biba, urugero amerika ipanga umushinga uzakorwa mu mwaka 50 , ndeste n’ibizawugendaho byose kandi perezida ugenzweho akubahiriza ibyo asanzeho.

Dore bumwe mu buryo bakoresha mu gusigasira umutekano wa perezida Obama:

Abashinzwe umuteka wa perezida bagenda mbere y’igihe.

Nk’uko tubikesha Robinson, umunyamabanga ushinzwe umutekano muri Whitehouse, ngo abashinzwe umutekano bajya aho perezida azerekeza mbere y’amezi arenga atatu, bagahura n’inzego zishinzwe umutekano wo muri icyo gihugu, Muri icyo gihe kirenga amezi 3 ngo baba bafite byinshi byo gutunganya nko gutegura umutekano wo ku kibuga cy’indege, gutegura imodoka zabugenewe zizaherekeza irimo perezida mu rwego rwo kutabasha kumenya neza irimo perezida, ndetse no gutegura ibitaro byo kwifashisha igihe habayeho kwatakwa.

Bagenzura neza abaturage baba bari mu gace perezida ari bujyemo ndetse bakanababurira.

Robinson akomeza agira ati : "Intumwa z’umutekano zihura n’abapolisi mu rwego rwo kurebera hamwe umutego uwo ari wo wose waza guhungabanya umutekano, cyangwa amayeri yose yakoreshwa n’abagizi ba nabi. Aribyo bita "class 3 threat". Bereka abaturage bose ko babaza babareba ibyo bakora byose bakoresheje ikoranabuhanga rigenzweho.

Uburyo bwa gatatu ngo ni kuzana imbwa zabugenewe.

Ngo igihe itariki y’urugendo yegereje, abashinzwe umutekano bazana imbwa zigasaka ibisasu aho perezida azanyura hose nibura muri kilometer imwe, bagenzura aho ari ho hose perezida azagera, nko muri hoteli n’ahandi.

Bamenyesha ibitaro biri hafi aho.

Robinson akomeza avuga ko abakozi bashizwe umutekano bagomba kwizera ko perezida adashobora kumara nibura iminota icumi atabonanye n’abadogiteri ngo bamenye neza ko perezida nta kibazo afite na kimwe.

Bategura indege ku ruhande zo kwifashisha.

Nk’uko tubikesha Kessler, umwe mu ba shinzwe umutekano wa perezida, ngo perezida igihe agiye kugwa ku kibuga cy’Indege, haba hagomba kuba hari indege nyinshi za Airforce one zirenga nibura zirindwi zimeze kimwe, kugira ngo hatamenyekana iya perezida. Ndetse ubu buryo bwarakoreshejwe kuri perezida George wa Bush ubwo yasuraga Afghanistani, dore ko yari yatezwe maze , imodoka za Limuzing zisesekara ari nyinshi kubona iya perezida biragorana.

Abantu barenga 1000 baba bitabiriye.

Ngo indege zigera kuri 7 zirimo abantu ziba ziherekeje perezida. Zimwe muri zo ziba ari izagisirikare zigenda zicunga umutekano, ndetse n’itumanaho. Izindi ziba zifite ibikoresho byose byakwitabazwa igihe cyose habaho ibidasanzwe.

Bafunga imihanda nyabagerwa Yose.

Ngo imihanda yose yo mu gihugu perezida ari bucemo yose irahagarikwa kandi ifungwa mbere y’igihe ku mpamvu zo kwirinda ibyategwa hirya no hino mi mihanda. Hemererwa gucibwamo gusa na za modoka zabugenewe ziherekeza peresida ndetse zikanamubanziriza.

Barinda perezida ku buryo bw’ibanga nta kumenya aho anyuze.

Ngo igihe perezida Obama ageze muri hoteli, atangira kugenda gahoro yitonze ndetse abashinzwe umutekano bakabanza kwinjira mu byumba agiye kwinjiramo.

Abashinzwe umutekano bazenguruka hoteli perezida aribuze kujyamo.

Mbere y’uko perezida ahagera, abashinzwe umutekano bazenguruka hoteli yose ari nako basaka abakozi bose, Kessler akomeza avuga ko bareba icyo umuntu yaba afite cyose gishobora gufata amajwi cyangwa kikangiza , ntaba yemerewe kukigeza aho perezida ari.

Bahagarika ibikoresho by’ikoranabuhanga byose.

Mbere y’uko perezida yinjira mu cyumba cye, abashinzwe umutekano wa perezida bagomba kumenya ko ntagikoresho cya electroniki gihari nk’ibyuma bifata amajwi, ndetse n’ibindi byaka umuriro. Aha banakoresha igikoresho gikomeye kireba ibirimo bibera mu cyumba, ndeste n’ibindi byaba byihishe hafi aho. Kessler anatangaza ko ibikoresho nka telefone na televiziyo byose biba byahagaritswe.

Abakora umutekano bakora perimetere(Umuzenguruko) ishatu iruhande rwa perezida.

Nk’uko Robinson abitangaza abashinzwe umutekano bakora uburyo butatu bwa mpande enye zitangana (perimeter) iruhande rwa perezida , abapolisi bakora Umuzenguruko w’inyuma, abajenerare bagakora iyo hagati naho ikipe y’abashinzwe umutekano iruhande rwe bagakikiza perezida ku buryo hagize ikiba bakwitanga.

Barakurikirana neza ibyazanwemo ibiribwa bya perezida.

Igihe perezida yagize uruzinduko yijyanira ibiribwa, ndeste akanizanira abakozi be yizeye basazwe bamutekera. Abashizwe umutekano rero bagomba kumenya neza ibikoresho byajemo kugira ngo bizere ko nta kintu cyajemo kidasanzwe.

Kessler, atangaza ko Obama ari mu ba perezida bubaha abashinzwe umutekano be ku buryo budasanzwe.

Yanditswe na Ukurikiyemfura Leonce/MUHABURA.RW


Tanga igitecyerezo

Amazina
Ubutumwa

1 Comment

MUSONI - 5 months ago

Ahh!! ko numva biba bikomeye k’ umutekano wa Boss wa America? Ariko n’abandi ba ™President n’uko bigenda?

Izindi nkuru

Inkuru zikunzwe