Yashyizweho kuri27 January, 2019 | 21:09

Ntibisanzwe:Umugore yaciye agahigo ko kubyara abana 14 ku bagabo 14 batandukanye

Umugore witwa Marie Leclerc w’imyaka 36 y’amavuko ukomoka mu gihugu cy’Ubufaransa yinjiye mu gitabo cya Guinness nyuma yo kubyara umwana wa 14.Aba bose akaba yarababyaye ku bagabo 14 batandukanye.

Uyu mugore abaye uwa mbere mu mateka y’isi ubyaye abana bangana batyo ku bagabo cumi na bane batandukanye.Gusa abagabo bose 14 babyaranye aba bana ntibabashije kubana usibye uwo babyaranye umwana aheruka witwa Remon bakaba bamaranye igihe kingana n’umwaka n’igice.

Aganira n’itangazamakuru Marie Leclerc yavuze ko yishimira aka gahigo ku isi mu gihe umubyeyi we yamubwiraga ko ntacyo azigezaho mu buzima ariko ngo yamweretse ko yamwibeshyeho.

Yagize ati“Ubu ndishimye birenze kuba nciye aka gahigo gakomeye ku isi”.

Akomeza agira ati” Mama buri gihe yajyaga ambwira ko ndi umufaransa ndetse ntagaciro mfite kandi ko ntacyo nzigezaho mu buzima.Ubu neretse isi yose ko yibeshye(mama) ndetse ko nshobora kuba umuntu ukomeye w’isi mu gihe intekerezo zanjye nazihinduyemo ikindi kintu.Muri macye nkoze ibitarakozwe n’umuntu n’umwe kuva isi yabaho !."

Marie Leclerc yavuze ko atigeze agira umugabo wihariye mu bihe byahise ariko ngo atekereza ko kuri ubu ashobora kubona umugabo bazabana mu buzima bwe.

Ati"Nishimiye kuba mfite aba bana,ariko birankomereye kubasha guhitamo ba se w’abana.Kuri iyi nshuro,muri iki gihe nakuye isomo rikomeye mu makosa yanjye nakoze mu bihe byahise.Remon si nk’abandi bagabo twabanye mu bihe byabanje.Tumaranye nawe igihe kingana n’umwaka n’igice kandi ndizera ko ibi byakorwa hagati yanjye nawe.”

Ubwo uyu mugore yahuraga n’abahagarariye Guinness,batangije iperereza rya kabiri rirebana n’uko bajya batanga ibitunga abana baba babyawe n’umuntu umwe waciye agahigo nk’ako.

Kuri ubu uyu mugore afite abagabo 11 bishyura ibitunga abana ndetse hari n’izindi manza ebyiri zirebana n’abagabo babyaranye zigiye kuburanishwa mu manza z’imbonezamubano mu mezi abira ari imbere.

Biteganyijwe ko zizaba zirangiye muri Gicuransi ndetse Guinness igafata umwanzuro w’uko uyu mugore yakongera akesa agahigo agahabwa ikindi gihembo ku isi cyangwa akakimwa.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru