Yashyizweho kuri12 November, 2016 | 19:30

Mombasa: Abasirikare, abapolisi n’ abasivili 375 b’u Rwanda bitabiriye amahugurwa ya gisirikare [Amafoto]

Itsinda ry’abasirikare, abapolisi n’ abasivili 375 b’u Rwanda nibo bitabiriye amahugurwa ya gisirikare ahuza ingabo z’ibihugu bigize umuryango w’Afrika y’’uburasirazuba EAC. Aya mahugurwa yiswe USHIRIKIANO IMARA arabera mu gace ka Kwale mu ntara ya Mombasa muri Kenya. Azamara igihe cy’ibyumweru b’ibiri

Atangiza k’umugaragaro aya mahugurwa minisitiri w’ingabo wa Kenya Ambassaderi Raychelle Omamo yavuze ko amahoro, umutekano, n’iterambere bizagerwaho neza ari uko habayeho ubufatanye butajegajega hagati y’ingabo n’izindi nzego zishinzwe umutekano mu bihugu bigize umuryango w’Afrika y’uburasirazuba.

Yongeyeho ko impamvu yayo mahugurwa ari ukungira ngo ingabo nabashinzwe umutekano bahure bungurane ibitekerezo n’ubumenyi ku ngamba zo kunoza umutekano muri karere ibihugu byabo biherereyemo.

Aya mahugurwa yatangiye taliki ya 07 muri uku kwezi ahuje muri rusange abantu bagera ku bihumbi 2 akasozwa taliki 18 uku kwezi.

Yanditswe na Ubwanditsi/Muhabura.rw


Tanga igitecyerezo

Amazina
Ubutumwa

Izindi nkuru