Yashyizweho kuri2 July, 2019 | 10:01

Leta ya Iran yatangaje ko Amerika iramutse ibagabyeho ibitero,iminota 30 ihagije ngo babe barimbuye Isreal

Iran yatangaje ko Leta Zunze Ubumwe za Amerika niziramuka zibagabyeho ibitero bazihimurira kuri Israel bakayigira umuyonga mu minota 30.

Byatangajwe kuri uyu wa Mbere na Mehr, Ibiro ntaramakuru byagamiye kuri Leta ya Iran aho aya magambo yavuzwe n’umwe mu badepite bakuru muri Leta.

Aya magambo aje nyuma y’iminsi ibihugu byombi birebana ay’ingwe, ndetse mu kwezi gushize Perezida wa Amerika, Donald Trump yari yatanze itregeko ryo kugaba ibitero kuri Iran aza kwisubiraho ku munota wa nyuma.

Umwanzuro wa Trump watewe n’indege nto ya Amerika igisirikare cya Iran cyarashe kioyishinja kuvogera ubutaka bwa Iran.

Leta Zunze Ubumwe za Amerika zinashinja Iran kuba inyuma y’ibitero byagabwe ku bwato bwayo.

Mojtaba Zolnour, umuyobozi wa Komisiyo y’Inteko Ishinga Amategeko ishinzwe umutekano n’ububanyi n’amahanga yatangaje ko Amerika iramutse ibagabyeho ibitero, mu minota 30 baba basenye Israel.

Yagize ati “Amerika iramutse itugabyeho ibitero, igice cy’isaha kirahagije ngo yibagirane.”

Nubwo ibitero bya gisirikare Amerika yabisubitse, yagabye ibitero by’ikoranabuhanga kuri porogaramu za Iran zishinzwe ubutasi n’ibisasu bya misile.

Ubutegetsi bwa Donald Trump buherutse gutangaza ko bugiye gufatira ibihano bamwe mu bayobozi bakomeye ba Iran barimo n’Umuyobozi w’Ikirenga Ayatollah Ali Khamenei.

MUHABURA.RW


Tanga igitecyerezo

Ibitekerezo


Tanga igitekerezo


1 Comment

gaturika havugimana innocent - 3 months ago

tubasabirerwose.

Izindi nkuru