Yashyizweho kuri1 December, 2019 | 12:57

Koreya ya ruguru yise minisitiri w’intebe w’Ubuyapani igicucu kuruta ibindi byabayeho ku isi

Koreya ya ruguru yise minisitiri w’intebe w’Ubuyapani Shinzo Abe ko ari "igicucu" kandi ko ari umunyepolitike w’umutwe muto, aho ashinjwa ko yabeshye ku byerekeye igerageza ry’ibisasu riheruka.

Iyi ibaye inshuro ya kabiri mu kwezi kumwe Koreya ya ruguru yita minisitiri Abe igicucu kuko hari n’ubwo yamwise igucucu yongeraho ko ari ibandi.

Ibi bibaye nyuma y’uko Minisitiri Abe yamaganye Koreya ya ruguru ku bikorwa byo guhora igerageza za misire z’ubumara nyuma y’uko yongeye gutera ibisasu bibiri ku wa Kane.

Hagati aho, Koreya ya ruguru ishimangira ko yarimo igerageza ubushakashatsi buhanitse bwo gutera ibisasu byinshi icya rimwe.

Ni mu gihe Ejo ku wa Gatandatu tariki 30 Ugushyingo 2019, ikinyamakuru cya leta cyavuze ko Ubuyapani bushobora kwibonera neza icyo misire y’ubumara ari cyo kandi bidatinze.

Inama nkuru y’umutekano mu ishyirahamwe mpuzamahanga ONU isanzwe yabujije Koreya ya ruguru kugerageza misire z’uburama.

Icyo gihugu kandi gisanzwe cyarafatiwe ibihano kubera umugambi wacyo wo gucura mesire n’izindi ntwaro z’ubumara.

Imugambi wa Koreya ya ruguru mu biganiro na Amerika isanzwe ari inshuti ya kadasohoka y’Ubuyapani,ni uko ibihano yafatiwe byakurwa maze ibiganiro bigakomeza hagati ya Kim na Trump.

Ariko, ibyo biganiro byarahagaze kuva umubonano hagati y’abakuru b’ibihugu Kim Jong-un wa Koreya ya ruguru na Donald Trump wa Amerika uhagarariye nta kibashije kugerwa mu ntangiriro z’uyu mwaka muri Gashyantare.

Uburakari bwa Koreya ya Ruguru butewe n’iki?

Ku wa Kane tariki 28 Ugushyingo 2019, Koreya ya ruguru yarashe ibisasu bibiri abasesenguzi bise ko ari ibisasu bitazwi, mu ntara ya Hamgyong iri mu majyepfo ibitera mu kirere cy’Ubuyapani.

Mu kwamagana ibyo bisasu, minisitiri Abe yagize ati: "Uko gukomeza igerageza mesire z’ubumara buri gihe, byerekana ko Koreya ya ruguru idashotora igihugu cyacu gusa, ahubwo ishotora isi yose".

Koreya ya ruguru yakwiragije amafoto yerekana perezida Kim ahagarikiye igikorwa k’igerageza.

Inkuru dukesha ikinyamakuru sudinfo.be ivuga ko ikinyamakuru cya Leta ya Koreya ya ruguru KCNA cyatangaje nijoro ko bigaragara ko minisitiri Abe nta bwenge agira kuko atazi gutandukanya ikitwa mesire n’imbunda isanzwe.

Kiti: "Bigaragara ko Abe ari cyo gicucu cya mbere ku isi akaba n’injiji itari bwigere ibaho kubera ko adashobora gutandukanya mesire n’imbunda itera ibisasu byinshi mu igihe kimwe, mu gihe we ubwe yiboneye amafoto".

Cyakomeje kigira giti: "Abe ashobora kubona icyo misire ari cyo vuba aha bidatinze kandi ku irembo rye. Abe ni igicucu cya nyacyo kandi akaba n’umunyapolitike ufite imitekerereze yo hasi".

Ibi bije mu gihe mu kwa gatanu, minisitiri Abe yari yatangaje ko yari yiteguye kubonana na Kim Jong-Un ntagisibya ndetse ko afite n’ikizere ko ibiganiro ku mugambi wo gucuru intwaro z’ubumara wa Koreya ya ruguru ushobora gutangira.

Yanaboneyeho na kanya ko kwibutsa uburyo Koreya ya ruguru yigeze kuba ishimota abaturage b’Ubuyapani.

Mu myaka ya 1970 na 1980, Abayapani bashimuswe na Koreya ya ruguru kugira ngo bayifashe kwigisha abashinzwe ibyogajuru. Ubuyapani buvuga ko abagera kuri 17 batwawe muri ubwo buryo, batanu gusa muri bo bakaba aribo bamaze gusubizwa mu gihugu.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


1 Comment

oz - 1 week ago

wvma batunzebumwe

Izindi nkuru