Yashyizweho kuri10 August, 2017 | 19:01

Kenya: Amamashini y’Amatora yatewe Mbere y’Itora

Kur’uyu wa kane, taliki 10 kanama 2017 Umukuru w’ibiro by’amatora muri Kenya, Wafula Chebukati yatangaje ko amamashini y’amatora yatewe mbere ho icyumweru kimwe y’uko amatora y’umukuru w’igihugu aba.

Ariko atangaza ko abo bantu bagerageje kudurumbanya ayo mamashini batashoboye kugera ku mugambi wabo wo kuziyobya kugira ngo ntizikore neza nk’uko byari bitegakanyijwe.

Mu kiganiro n’abanyamakuru ku murwa mukuru i Nairobi, Komiseri Wafula Chebukati yabwiye abanyamakuru ko icyo gitero ku mamashini cyageragejwe, ariko ntacyo cyagezeho.

Abanyakenya bakomeje kurindira n’igishyika cyinshi ibizava mu matora bya nyuma . n’inyuma y’aho hasohorewe amatangazo avuga ko ayo matora yaba yarabayemwo ubujura bw’amajwi, hakaduka imyigaragabyo yatumye abantu 6 bahasiga ubuzima.

Ku mugoroba w’ejo ku wa gatatu, ibiro by’amatora muri kenya byatangaje ko Perezida Uhuru Kenyatta yabonye amajwi angana na 54%; Raila Odinga bahanganye nawe, akabona amajwi angana na 44.8%. Odinga avuga ko amatora yabayemwo ubujura bukabije.

Yanditswe na Richard Salongo/Muhabura.rw


Tanga igitecyerezo

Amazina
Ubutumwa

Izindi nkuru