Yashyizweho kuri28 October, 2018 | 11:27

Kajugujugu y’umuherwe w’ikipe ya Leicester City yafashwe n’inkongi y’umuriro

Kajugujugu y’umuherwe w’ikipe ya Leicester City Vichai Srivaddhanaprabha yakoze impanuka ihita ifatwa n’inkongi y’umuriro kuri uyu wa gatandatu ahagana ku isaha ya saa mbiri n’igice z’ijoro ku isaha yo mu Bwongereza

Inshuti ya hafi y’umuryango wa nyir’ikipe ya Leicester City ikina muri shampiyona ya Premier League mu Bwongereza, yabwiye BBC ducyesha iyi nkuru ko umuherwe w’iyi kipe nawe yari ari muri iyo ndege yahanutse ikitura hasi.

Yaguye ahahagarikwa imodoka hanze y’ikibuga cy’iyi kipe ubwo yagurukaga iva ku kibuga nyuma y’umukino wa Premier League.

Umwe mu babonye iyo mpanuka iba, yavuze ko yabonye umunyezamu Kasper Schmeichel wa Leicester yiruka ava mu kibuga agana aho iyo mpanuka yabereye.

Nta mubare uzwi w’abantu bari muri iyo kajugujugu.

Umwe mu babonye iyi mpanuka iba yavuze ko yumvise "ikintu kinini cyitura hasi" nuko abona "inkongi y’umuriro".

Abapolisi bashinzwe ubutabazi bw’inkongi bahise bahagera

Muri uwo mukino, Leicester yakiniraga ku kibuga cyayo cya King Power yanganyije na West Ham United igitego 1-1.

Ni umukino watangiye ku isaha ya saa kumi n’imwe n’igice urangira habura hafi nk’isaha imwe mbere yuko iyo kajugujugu ihaguruka.

Mu gihe cya Srivaddhanaprabha, ni bwo Leicester City yatwaye igikombe cya Premier League mu mwaka wa 2016.

Muri uwo mwaka, yari yatangiye shampiyona ihabwa amahirwe agerwa ku rushyi yo kuba yakwegukana icyo gikombe.

Srivaddhanaprabha umubyeyi w’abana bane yatangajwe n’ikinyamakuru Forbes Magazine ko aza ku mwanya wa gatanu mu bantu bacyize cyane iwabo muri Thailand.

Srivaddhanaprabha Forbes Magazine yatangaje ko aza ku mwanya wa gatanu mu bafite agafaranga iwabo muri Thailand Umwe mu babonye iyi mpanuka iba yavuze ko yumvise "ikintu kinini cyitura hasi nuko abona inkongi y’umuriro Yaguye nyuma yo gurukaga iva ku kibuga nyuma y’umukino wa Premier League Leicester City yarimaze kunganyamo 1-1 na West Ham United

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru