Yashyizweho kuri15 July, 2019 | 18:36

Zimbabwe:Job Sikhara Utavuga Rumwe na Leta yarekuwe

Urukiko Rukuru rwo muri Zimbabwe rwarekuye umunyapolitike utavuga rumwe n’ubutegetsi ushinjwa gushora abantu mu mugambi wo guhirika Perezida Emerson Mnangagwa ku butegetsi. Yari amaze iminsi itandatu muri gereza.

Uwunganira Job Sikhara, umuyobozi wungirije w’ishyaka rya Movement for Democratic Change ritavuga rumwe n’ubutegetsi, araregwa guhirika ubutegetsi, icyaha gihanishwa imyaka 20 y’igifungo. Ibyaha aregwa arabihakana.

Biteganijwe ko arekurwa amaze gutanga ingwate y’amadorali 5000 yo muri Zimbabwe ahwanye n’amadolari y’Amerika 570.

Ibirego aregwa bishingira ku mashusho yagaragayemo avuga ko ishyaka abereye ku isonga rizahirika Perezida Mnangagwa ku butegetsi mbere ya 2023 kandi ko abivuga akomje.

Abatavuga rumwe n’ubutegetsi barenga 12 bamaze gutabwa muri yombi muri uyu mwaka bashinjwa ibirengo nk’iki.

Abanenga ubutegetsi buriho muri Zimbabwe baravuga ko Emerson Mnangagwa agiye kuzacecekesha abatavuga rumwe n’ubutegetsi kurusha Robert Mugabe yasimbuye.

Niyomugabo Albert /Muhabura.rw


Tanga igitecyerezo

Ibitekerezo


Tanga igitekerezo


Izindi nkuru