Yashyizweho kuri3 November, 2019 | 17:19

Isoko ry’impunzi z’Abarundi mu nkambi ya Nduta ’ryasenywe’ [ REBA AMAFOTO]

Bamwe mu mpunzi z’Abarundi bo mu nkambi ya Nduta mu majyaruguru ashyira uburengerazuba bwa Tanzania bavuga ko baraye basenyeweho isoko n’ubuyobozi bw’inkambi, mu gisa nko kubahatira gutahuka.

Ku munsi w’ejo, umwe mu mpunzi z’i Nduta yari yabwiye BBC ducyesha iyinkuru ko hari guhwihwiswa ko hagiye gufungwa inzu z’ubucuruzi buciriritse nka ’restaurants’ muri iyo nkambi.

Uyu munsi bwo yagize ati: "Ejo twabonye haza itegeko ryo kubomora isoko no gukuramo ibyo dufitemo byose".

Uyu utifuje gutangazwa izina ku mpamvu z’umutekano we, yavuze ko iryo tegeko ryatanzwe n’uhagarariye minisiteri y’ubutegetsi bw’igihugu ya Tanzania, "kugira ngo twibwirize gusa dutahe".

Yongeyeho ati: "Ntitubona ingene [ukuntu] tugiye kubaho. Twari tubeshejweho no kurya tuvuye mu isoko. Abenshi ubu ntitugira ayo ducira n’ayo tumira".

BBC ikomeza ivuga ko yagerageje kuvugana n’ubuvugizi bwa minisiteri y’ubutegetsi bw’igihugu bwa Tanzania, ariko ntibwagira icyo butangaza.

Dana Hughes, umuvugizi w’ishami ry’umuryango w’abibumbye ryita ku mpunzi (HCR) mu karere k’uburasirazuba bw’Afurika, yavuze ko nta makuru afite y’isenywa ry’isoko ry’impunzi rya Nduta, ariko ko "atari ikintu gishya".

Yavuze ko gutanga amakuru arenzeho namara kumenya uko bihagaze muri iyo nkambi.

Zimwe mu mpunzi zo mu nkambi ya Nduta - ibaribwamo abagera ku 73,000 - zivuga ko iryo soko ryaremwaga n’impunzi ndetse n’abaturage ba Tanzania baturiye iyo nkambi.

Bahashoraga nk’imyumbati, amavuta y’amamesa, imyenda yo kwambara, ibitenge, ibitunguru, inyanya (cyangwa itomati, mu Kirundi) n’ibindi.

Iyo mpunzi yavuze ko "kugeza n’iyi saha" batarumva ijambo rya HCR. Ati: "Amabi yose tuyakorerwa HCR irorera [irebera] ataco ivuze".

Muri iki cyumweru, HCR yasabye leta ya Tanzania "kureka ibikorwa byo kotsa igututu impunzi ngo zitahe".

Indi mpunzi ivuga ko yasenyewe icyumba yacururizagamo muri iryo soko yagize iti: "Ubu nta cyizere cy’ubuzima dufise".

Ryongeraho ko gukora ubunyonzi, cyangwa kunguruza abantu ku igare (ikinga, mu Kirundi) bitewe mu nkambi, ko ikoreshwa ry’amagare ryemewe "ku munsi wo gufata imfashanyo no mu kujyana abarwayi ku bitaro gusa".

Mu kwezi gushize kwa cumi, leta ya Tanzania yavuze ko yisubiyeho ku cyemezo cyo gucyura ku ngufu impunzi z’Abarundi cyagombaga gutangira gushyirwa mu bikorwa ku itariki ya mbere y’ukwo kwezi.

Chief editor Muhabura.rw


Tanga igitecyerezo

Ibitekerezo


Tanga igitekerezo


Izindi nkuru