Yashyizweho kuri16 March, 2018 | 06:28

Isiraheli: Urukiko rwahagaritse Umugambi wo Kwirukana Abimukira

Urukiko rukuru rwa Isirayeli kur’uyu wa kane rwahagaritse iby’agateganyo umugambi wa Leta wo kwirukana ibihumbi By’abimukira b’AbanyafUrika binjiye mu gihugu mu buryo butemewe n’amategeko.

Urwo rukiko rwari rwakiriye ibirego by’amashyirahamwe avugira abimukira, yahagaritse uwo mugambi wa Leta Kugera kw’itariki ya 26 z’ukwezi kwa gatatu, kugira ngo uyihe umwanya wo gutanga ibyo yishingikiza mu gufata iyo ngingo yo kubirukana.

Leta ya Benjamin Netanyahu ishaka kwirukana ibihumbi By’abimukira baturuka mu bihugu bya Eritreya na Sudani binjiye mu nzira zitemewe n’amategeko kandi batasabye ubuhungiro.

Leta yari yabahitishijemwo gutaha mu kwezi kwa kane mu bihugu byabo cyangwa kujanwa mu kindi gihugu cyakwemera kubakira cyangwa bagahitamwo gufungwa muri Isirayeli ubuzima bwabo bwose. Uwo mugambi wari werekeye ubwa mbere abagabo gusa batarasaba ubuhungiro cyangwa ababwimwe.

JPEG - 67.7 kb
Abimukira b’Abanyafrika batonze ku biro bishinzwe abimukira muri Isirayeli.

Salongo Richard


Tanga igitecyerezo

Amazina
Ubutumwa

Izindi nkuru