Yashyizweho kuri11 April, 2019 | 15:07

Perezida Omar al-Bashir wa Sudan yakuwe ku butegetsi ahita atabwa muri yombi

Perezida Omar al-Bashir wa Sudan yakuwe ku butegetsi ku ngufu nyuma y’uko abaturage be bakomeje kwijujutira ubutegetsi bwe aho bagaragazaga ko butagira icyo bukora ku kibazo cy’ubuzima bukomeje guhenze muri kiriya gihugu.

Inkuru dukesha CNN iravuga ko iyeguzwa ku buyobozi rya Bashir ryatangajwe na minisitiri w’ingabo muri iki gihugu Awad Mohamed Ahmed Ibn Auf aho yavuze ko Perezida Bashir yakuwe ku buyobozi akaba yahise ashyirwa ahantu hatuje.

Biravugwa ko Minisitiri w’Ingabo w’iki gihugu, Awad Ibn Houf araba ariwe uza kuba ayobora igihugu mu gihe k’inzibacyuho.

Uwari Visi Perezida, Ali Osman Mohamed Taha na Visi Perezida wa mbere, Bari Hassan Saleh bafite n’ijambo mu ishyaka National Congress Party rya Bashir bo batawe muri yombi.

Magingo aya mu murwa mukuru Khartoum ku kicaro k’ingabo hateraniye uruvunganzoka rw’abantu bategereje kumva amakuru y’impamo y’ihirikwa rya Perezida Bashir.

Ibi ngo ni nk’isabukuru ku batavugaga rumwe n’ubutegetsi bwe ndetse na bamwe mu basirikare aho bari kwishima banarasa mu kirere.

Imyigaragambyo yo kwamagana ubutegetsi bwa Bashir yatangiye mu mpera z’umwaka ushize abaturage bavuga ko binubira igiciro cy’umugati cyari cyuriye bikomeye

Niyomugabo Albert Muhabura.rw


Tanga igitecyerezo

Amazina
Ubutumwa

2 Comments

Elias - 1 week ago

This has been done as results of hygiene which Required
In politics of Africa
Congratulations to the citizens of Sudan
Keep moving forward

Elias - 1 week ago

This has been done as results of hygiene which Required
In politics of Africa
Congratulations to the citizens of Sudan
Keep moving forward

Izindi nkuru