Yashyizweho kuri1 December, 2018 | 10:32

Igihugu cyu Burundi cyasohoye impapuro zo guta muri yombi Buyoya wahoze ari Perezida

Igihugu cyu Burundi kuri cy atangaje ko cyasohoye impapuro zo guta muri yombi Pierre Buyoya wahoze ari Perezida hamwe n’abandi 16 bari abayobozi bukuru, bashinjwa uruhare mu rupfu rwa Melchior Ndadaye mu 1993, nawe wayoboye icyo gihugu.

Intumwa Nkuru ya Leta y’u Burundi, Nyandwi Sylvestre yavuze ko iperereza ryakozwe n’Ubushinjacyaha ryagaragaje ko aba bantu 17 bayobowe na Buyoya bakekwaho uruhare mu rupfu rwa Ndadaye wari umaze amezi ane atorewe kuba Perezida.

Yagize ati “Iperereza ryagaragaje ko abo bantu bagize uruhare muri iki cyaha, mu gucura umugambi, kuwunoza no kuwushyira mu bikorwa.

Ni ubwicanyi bwakurikiye n’imvururu zaguyemo abantu benshi hashingiwe ku moko, bwahitanye abasaga 300,000.

JPEG - 146.4 kb
Pierre Buyoya wahoze ari Perezida hamwe n’abandi 16 bari abayobozi bukuru, bashinjwa uruhare mu rupfu rwa Melchior Ndadaye mu 1993

Muri aba bayobozi harimo 11 bahoze ari abasirikare bakuru n’abandi basivili batanu bahoze ari inshuti za hafi za Perezida Buyoya.

U Burundi bwasabye ibihugu bitandukanye aho abo bantu baherereye ko byafasha mu kubata muri yombi.

Kuri ubu Buyoya ahagarariye Umuryango wa Afurika Yunze Ubumwe muri Mali akaba ari n’umwe mu banyacyubahiro bari kuri uyu mugabane wa Afurika no hanze yaho.

Ikindi kandi twabamenyesha n’uko Buyoya yigeze kuvuga ko Nkurunziza akwiye kubahiriza amasezerano y’amahoro ya Arusha n’Itegeko Nshinga, akarekura ubutegetsi.

Buyoya icyo gihe yabitangaje mu kiganiro yagiranye n’abanyamakuru aho yerekanye ko ayo masezerano n’Itegeko Nshinga bisobanura neza uburyo bw’imitegekere mu Burundi, bigateganya ko ntawe ukwiye kurenza manda ebyiri ku mwanya w’umukuru w’igihugu.

Buyoya nawe yayoboye u Burundi manda ebyiri zose ahiritse ubutegetsi (coup d’etat). Buyoya yavuze ko nta mukuru w’igihugu n’umwe mu Burundi ushobora kurenza manda ebyiri ku butegetsi.

yabivuze mu gihe muri cyo gihugu havugwaga impaka zikomeye zifatiye ku bivugwa ko Perezida Pierre Nkurunziza, umaze imyaka 10 ku butegetsi, yashobora
kuzongera kwiyamamariza indi manda ya gatatu mu matora yari ateganyijwe .

Pierre Buyoya yafashe ubutegetsi ku ngufu mu 1987 ahiritse Jean Baptiste Bagaza, abuvaho mu 1993 atsinzwe mu matora ya mbere ya demokarasi mu Burundi na Merchior Ndadaye.

Buyoya yongeye guhirika ubutegetsi bwa Sylvestre Ntibantunganya mu 1996, yongera kandi kubusubiza mu 2003.

MUHABURA.RW


Tanga igitecyerezo

Amazina
Ubutumwa

Izindi nkuru