Yashyizweho kuri31 October, 2018 | 11:36

Igihugu cy’Ubuganda cyavumbuweho gutunga impunzi zirenga ibihumbi 300 za baringa

Igenzura ryakozwe ku mibare y’impunzi ziri muri Uganda ryatahuye ko imibare yagiye itangazwa mbere yakabirijwe ikongerwaho impunzi zirenga ibihumbi 300 za baringa.

Aya makuru aje akurikira ibirego byo mu ntangiriro y’uyu mwaka byavugaga ko bamwe mu bategetsi ba leta ya Uganda bamunzwe na ruswa bakabirije imibare y’impunzi.

Abategetsi bane bakoraga mu kigo cya leta cyita ku mpunzi bahagaritswe ku mirimo yabo.

Leta ya Uganda yakomeje gushimwa n’amahanga kubera gahunda zayo zo guha impunzi ikaze, mu gihe ibihugu bimwe by’i Burayi n’Amerika bizikumira. Uganda kandi yatangajwe kuba ari kimwe mu bihugu bifata neza impunzi ku isi.

Itangazo rihuriweho ry’ishami ry’umuryango w’abimbumbye ryita ku mpunzi, HCR, n’ibiro bya minisitiri w’intebe wa Uganda, rivuga ko uko guhushana mu mibare y’impunzi kwari kwitezwe kubera umubare munini w’impunzi zo muri Sudani y’epfo zinjiye muri Uganda hagati y’umwaka wa 2016 na 2017.

Zimwe mu mpunzi zishobora kuba zaribarurije ahantu harenze hamwe, mu gihe izindi zishobora kuba zarasubiye iwabo.

Igenzura ryakozwe ryemeje ko umubare w’impunzi ziri muri Uganda ari miliyoni imwe n’ibihumbi 100, atari miliyoni imwe n’ibihumbi 400 nkuko byatangajwe mbere. Iki kikaba ari ikinyuranyo kirenga 20%.

Iri genzura ryari ryatangiye mu kwezi kwa gatatu uyu mwaka, rikorerwa mu nkambi z’impunzi mu gihugu hose, nkuko bitangazwa na HCR na leta ya Uganda.

JPEG - 65.5 kb
Impunzi zo muri Sudani y’epfo ni zimwe mu mpunzi zirenga miliyoni ziba muri Uganda
JPEG - 84.5 kb
Hari ikinyuranyo kirenga 20% hagati y’imibare yatangajwe mu igenzura ryakozwe, n’imibare yari isanzwe izwi y’impunzi zo muri Uganda
JPEG - 109.2 kb
Prime Minister, Rukahana Rugunda

Minisitiri w’intebe wa Uganda Ruhakana Rugunda akaba ibiro bye byarashyize umukono kw’itangozo hamwe n’ishami ry’umuryango w’abimbumbye ryita ku mpunzi, HCR ryemezako hari impunzi zirenga ibimbi 3000
Cheif editor MUHABURA.RW


Tanga igitecyerezo

Amazina
Ubutumwa

Izindi nkuru