Yashyizweho kuri26 January, 2019 | 20:14

HCR yahakanye yivuye inyuma iby’uko yahaye impunzi z’abarundi imyenda ya gisirikare

Mu gihe abayobozi batari bacye b’u Burundi bari bakomeje kurakazwa n’amakuru avuga ko Ishami ry’Umuryango w’Abibumbye ryita ku mpunzi, HCR, ryaba ryarahaye imyambaro ya gisirikare impunzi z’Abarundi, uhagarariye uyu mu ryango mu Burundi yahakanye aya makuru.

Madamu Gogo Hukportie, uhagarariye HCR mu Burundi yabihakaniye mu kiganiro yatanze kuri uyu wa Gatanu avuga ko nta myambaro ya gisirikare yigeze itangwa mu mpunzi z’Abarundi zahungiye muri Tanzania.

Ni nyuma y’aho mu minsi ishize mu Nkambi z’Impunzi z’Abarundi za Nduta na Mtendeli, mu gihugu cya Tanzania hafatiwe impuzankano za gisirikare bikavugwa ko abashinzwe kwita ku mpunzi bagize uruhare mu kuzinjiza mu nkambi.

Gogo Hukportie ariko avuga ko mu mfashanyo HCR yahawe ngo izishyikirize impunzi hasanzwemo imyambaro mikeya ifite amabara asa nk’aya gisirikare ariko yahise ivanwa mu yindi ishyikirizwa abayobozi ba Tanzania mu bice byegereye izo nkambi.

Uhagarariye HCR I Burundi akaba yakomeje avuga koo Tanzania irimo irakora iperereza kuri icyo kibazo kandi ibifitiye uburenganzira. Yongeyeho ko hagitegerejwe ibizava mu iperereza nk’uko iyi nkuru dukesha Ubmnews ikomeza ivuga.

Nubwo HCR ibeshyuza aya makuru ariko, biravugwa ko ubuyobozi bw’u Burundi busanzwe butavuga rumwe na HCR bushinja kudashishikariza impunzi z’Abarundi gutaha.

MUHABURA. RW


Tanga igitecyerezo

Amazina
Ubutumwa

Izindi nkuru