Yashyizweho kuri23 June, 2019 | 10:44

Ethiopia:Umugaba mukuru w’ingabo n’abandi bayobozi 3 bakomeye barasiwe mu gikorwa cyo guhirika ubutegetsi

Umugaba w’Ingabo wa Ethiopie,Gen Seare Mekonnen’ yarasiwe mu mugambi wo kugerageza guhirika ubutegetsi mu gace ka Amhara ahasiga ubuzima nk’uko byemejwe na Minisitiri w’Intebe,Abiy Ahmed.

Min Abiy yavuze ko hari abandi bayobozi muri Leta ye bishwe barasiwe mu gace ka Amhara ahari kubera imyigaragambyo ikomeye.

Usibye umugaba mukuru waguye muri uyu mugambi,hanaguyemo umuyobozi w’ingabo witwa Gen.Gezai Abera ndetse n’abayobozi barimo umuyobozi w’intara ya Amhara,Ambachew Mekonnen n’umuyobozi wungirije muri iyi ntara,Ezez Wasie.

Abo bayobozi n’Umugabo mukuru w’ingabo za Ethiopia ndetse n’uumuyobozi w’ingabo barasiwe mu mujyi mukuru w’intara ya Bahri Dar.

Guverinoma ya Ethiopie yari yatangaje ko hari umugambi wabaye wo kugerageza guhirika ubutegetsi muri Amhara. Internet mu gihugu yahise ikurwaho.

Abatuye mu gace ka Bahir Dar batangaje ko bumvise urusaku rwinshi rw’amasasu. Hagati aho, Ambasade ya Leta Zunze Ubumwe za Amerika yavuze ko yamenye ibijyanye n’urusaku rw’amasasu mu Murwa Mukuru w’igihugu, Addis Ababa.

Agace ka Amhara kayoborwa na Ambachew Mekonnen, gaherereye mu Majyaruguru ashyira Uburengerazuba bwa Ethiopie; ni imwe muri leta icyenda zigize iki gihugu.

Minisitiri Abiy yagaragaye mu myenda ya gisirikare

Minisitiri w’intebe wa Ethiopia, Abiy Ahmed, yagaragaye kuri televiziyo y’igihugu yambaye imyenda ya gisirikare avuga ko Jenerali Mekonnen yagabweho igitero mu murwa mukuru Addis-Abeba w’iki gihugu n’abo yise "abacanshuro".

Yishwe ari mu bikorwa byo kugerageza guhosha imidugararo mu karere ka Amhara.

Mbere yaho, leta ya Ethiopia yari yatangaje ko habayeho "kugerageza guhirika ubutegetsi" mu karere ka Amhara.

Mu myaka ya vuba ishize, ibikorwa by’urugomo rushingiye ku moko byibasiye akarere ka Amhara n’utundi turere.

Abategetsi bavuze ko mu kindi gitero gifitanye isano n’icyahitanye Gen.Mekonnen, umukuru w’intara ya Amhara, Dr. Ambachew Mekonnen, na we yishwe arashwe mu murwa mukuru Bahir Dar w’akarere ka Amhara.

Abiy yavuze ko uwo mukuru w’akarere ka Amhara yari mu nama n’abandi bategetsi b’akarere, akicanwa n’abandi bategetsi barashwe na bagenzi babo bakorana.

Amakuru avuga ko umurongo wa internet utari gukora muri iki gihugu.

Brigadier Jenerali Asamnew Tsège, uri mu kiruhuko cy’izabukuru wahoze ari umukuru w’iperereza mu ntara ya Amhara akaba aherutse gufungurwa, yatawe muri yombi acyekwaho kuba inyuma y’ibyo bitero.

Abaturage bo mu mujyi wa Bahir Dar bavuze ko bumvise urusaku rw’imbunda ziremereye. Umwarimu wa kaminuza wo muri uyu mujyi yabwiye ibiro ntaramakuru Reuters ko urusaku rw’amasasu rwamaze amasaha agera kuri ane.

Minisiteri y’ububanyi n’amahanga ya Leta Zunze Ubumwe z’Amerika yavuze ko izi amakuru y’urusaku rw’amasasu mu murwa mukuru Addis-Abeba, iburira abakozi bayo muri icyo gihugu.

Kuva yagera ku butegetsi mu kwezi kwa kane muri 2018, Abiy yatangiye ibikorwa byo gusoza ipyinagaza muri politiki afungura imfungwa za politiki, yemerera kongera gukora amashyaka yari yarahagaritswe ndetse ageza imbere y’ubucamanza abategetsi bashinjwa guhonyora uburenganzira

JPEG - 43.6 kb
Gen Seare Mekonnen’ yarasiwe mu mugambi wo kugerageza guhirika ubutegetsi mu gace ka Amhara
JPEG - 25.4 kb
Dr. Ambachew Mekonnen
JPEG - 25.1 kb
Minisitiri w’intebe wa Ethiopia, Abiy Ahmed, yagaragaye kuri televiziyo y’igihugu yambaye imyenda ya gisirikare

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru