Yashyizweho kuri9 November, 2016 | 07:48

Kuri ubu intsinzi yerekeye kuri Trump

Nk’uko ku isi hose kuri uyu munsi hari hatagerejwe umunsi udasanzwe mu mateka y’isi ariko cyane ku gihugu cy’igihangange cya Leta zunze Ubumwe Za Amerika, kuri uyu munsi tariki ya 8/11/2016 nibwo amatora yatangiye ku mugaragaro muri USA. Nyamara kugeza ubu ntihari hatangazwa uza kurara muri Whitehause hagati y’umuherwe Trump na Hillard Clintoni.

Kugeza ubu ku mbuga nkoranyambaga, ndetse n’ibindi bitangazamakuru bikorera muri Leta Zunze Ubumwe Za Amerika ndetse n’ahandi , nka Associated the Press , BBc , the independant, CNN ndetse n’ahandi biraragaragaza ko Umuherwe Donald Trump ariwe ugiye kwicara muri White house kugeza ubu.

Ni ubwo ikigero cy’amajwi rusange kitaratangaza bitewe n’uko hari ibitarava muri zimwe muri Leta Zigize iki gihugu gusa kugeza ubu Trump niwe uyoboye amatora ku kigero cyo hejuru dore ubu Trump afite 244 mu gihe Hillard afite 209, nk’uko BBC ikomeza ibigaragaza.

Andi makuru ajyane n’aya matora tukaba dukomeje kuyabakurikiranira uko bigenda bihinduka tukaza kuyabagezaho.
Saa kumi n’imwe: Trump aracyayoboye ku majwi 49.0% ahwanye na 32,027,156; Clinton n’amajwi 47.0% angana na 30,950,147 nk’uko CNN na Sky News bibitangaza.

Saa Kumi n’Ebyiri: Hillary Clinton yigobotoye Trump n’amajwi manini 202 mu kuri 188 (Sky News), Trump yatsinze Utah, Hillary atsinda California, Washington, Hawaii na Oregon.

Saa Kumi n’Ebyiri n’Igice: Trump yakomeje kuyobora amatora rusange n’amajwi 229 kuri 209 ya Hillary, tubibutse ko ubu ari saa Tanu n’iminota mirongo ine ku isaha rusange ya USA.

Saa mbili na 12: Trump akomeje kuyobora amatora n’amajwi 244 mu gihe Hillary Clinton ari ku majwi 215. Abanyamerika benshi bamaze kubona ko Trump afite amahirwe menshi yo gutsinda kuko mu kinyejana gishize nta muperezida wigeze abona amajwi nk’ayo afite.

Saa mbili n’igice: Donald Trump ageze ku manota 254 mu gihe Hillary akiri kuri 215.

Saa mbili na 47: Donald Trump agejeje ku majwi 264 Hillary Clinton akiri kuri 215 nk’uko bitangazwa na Aljazeera. Abashyigikiye Hillary bamaze gutakaza icyizere kuko aho baro hose ntibakivuga ndetse baragaragaza akababaro gakomeye.

Saa tatu n’iminota 2: Donald Trump ageze ku manota 265 kuri 270 akenewe mu gihe Hillary Clinton akiri kuri 218.

Saa tatu n’iminota 16: Donald Trump ageze ku manota 266 Hillary akiri kuri 218. Aba Republicain bafite amashyushyu menshi yo kubona Trump aba Perezida. Baravuga ko ushaka impinduka wese yashyigikira Trump.

Aljazeera itangaje ko radiyo z’abademocrate zimaze amasaha ane zifunzwe. Kuri ubu intsinzi yerekeye kuri Trump.

Amatora yageze ku musozo hategerejwe igisubizo cya nyuma

Amatora yageze ku musozo hategerejwe igisubizo cya nyuma
Yanditswe na Ngabo Leonce/Muhabura.rw


Tanga igitecyerezo

Amazina
Ubutumwa

Izindi nkuru

Inkuru zikunzwe