Yashyizweho kuri29 September, 2018 | 12:23

Endoneziya:Umutingito wivanze na Tsunami umaze guhitana amagana y’abantu abandi bakomeretse [REBA AMAFOTO]

Abantu barenga 380 nibo bemejwe ko bamaze gupfa, nyuma yaho tsunami itewe n’umutingito yibasiye umujyi wa Palu kuri uyu wa Gatanu muri Endoneziya.Imivumba y’amazi yazamutse igera kuri metero zigera kuri eshatu,yahise yuzuru uwo mujyi uri ku kirwa cya Sulawesi.

Ku mashusho ari kwerekanwa na video amaze kugera ku mbuga nkoranyambaga ubona abantu batera induru, abandi biruka kubera ubwoba ndetse n’umusigiti urimo usenyuka.

Ibintu byakomeje kuhangirikira kugeza kuri uyu wa Gatandatu,aho inzu nyinshi, ibitaro, amahoteli n’amangazini byose birasenyuka.

Muri iki gihe hari ibikorwa by’ubutabazi bikomeje, ariko amashanyarazi akaba yacitse, umuhanda mukuru ujya muri uwo mujyi wa Palu ukaba utanyurwamo kubera ibikuta biri guhomoka.

Ikigo cya Endoneziya gishinzwe impanuka cyavuze ko nibura abantu 384 bapfuye, abarenga 350 barakomereka.

"Nta byegeranyo bifatika turabona kubera ko itumanaho ryacitse.Twatoye imirambo myinshi ku nkombe y’ikiyaga kubera tsunami, ariko ntiturabona imibare nyakuri," niko umuvugizi w’icyo kigo Sutopo Purwo Nugroho yabwiye Reuters.

Ntibiramenyekana ko abahasize ubuzima bishwe na umutingito cyangwa tsunami.
Ku mashusho ya tereviziyo ubona abantu bakomeretse bavurirwa hanze mu mahema.

Imijyi ya Palu na Donggala ifite abaturage 600000.

Hari minisitiri wavuze ko ikibuga indege zimanukiraho cyangiritse, ariko bakizera ko indege za kajugujugu zo zishobora kuhagwa.

Igisirikare cy’igihugu cyatangiye gutegura indege zitwaye ibyo gufashisha abagize ingorane birimo n’imiti.

Umutingito wibasiye Sulawesi yohagati saa 18:00 (11:00 GMT), nkuko bitangazwa n’ikigo cya Amerika gikora iperereza ku by’ubutaka " US Geological Survey".

Guteguza ko tsunami ishobora gutera byari byatangajwe banashyiraho n’ibimenyetso biburira, ubwo nyuma birahagarikwa mw’isaha imwe, ariko bikavugwa ko ayo mazi menshi yibasiye ako karere ibyo bimenyetso biburira bigihari.

Yanditswe na Habarurema Djamali


Tanga igitecyerezo

Amazina
Ubutumwa

1 Comment

ANITA - 3 months ago

MANATABA RA ABANTUWAREMYE UBUKOKO NTURIKU BAREBAKOKO MANA

Izindi nkuru