Yashyizweho kuri21 November, 2016 | 10:17

Donald Trump ni muntu ki? Menya amateka n’ubuzima bwe

Donald John Trump yatorewe kuba Perezida wa Leta zunze ubumwe za America wa 45, akaza azajya ku butegetsi kuri 20/01/2017 asimbuye Barack Hussein Obama.

Ubuzima bwe n’amashuri yize

Donald John Trump yavutse mu 1946, avukira ahitwa Queens, muri New York. Trump yavutse ari umwana wa kane (4) mu mbyaro eshanu (5) za se na nyina.

Se yitwaga Frederick C. naho nyina akitwa Mary MacLeod Trump. Se yari umwubatsi akaba n’umuntu ushaka kwiteza imbere no guteza imbere igihugu cye muri rusange.

Se yari inzobere mu bijyanye no kubaka amazu kandi amazu yubatse agahita ayagurisha, yayagurishirizaga muri Queens, Staten Island no muri Brooklyn.

Donald Trump mu bwana bwe yarangwaga nokuba yari uunyembaraga, yari umuntu wigirira icyizere; ababyeyi be bamutangije ishuri afite imyaka 13 y’amavuko.

Donald Trump bamutangirije mu ishuri ryitwa New York Military Academy aho ababyeyi be bari bafite icyizere cyuko azakomeza kurangwa n’ikinyabupfura ndetse agakomeza kuba umunyembaraga kandi mu buryo bwiza.

Trump yakoze neza mu masomo ye ndetse no mu buzima busanzwe; aho yumvaga azaba umuntu usiganwa n’abandi mu kwirukanka akaba n’umuyobozi w’abandi banyeshuri mu gihe bazaba barangije kwiga mu mwaka 1964.

Nyuma yabwo yaje kwinjira muri kaminuza yitwa Fordham University, nyuma y’imyaka 2 yakurikiyeho yahise ajya kwiga mu ishuri ryitwa Wharton School of Finance muri Kminuza ya Pennsylvania, aho yarangirije mu ishami ry’icungamutungo mu mwaka 1968.

Uburyo yabaye umuntu ukomeye muri New York

Trump yageze ikirenge mu cya se, Trump yabyirutse yuva ashaka kuzaba rwiyemezamirimo dukunze kwita “Entrepreneur” mu ndimi z’amahanga.

Trump akiri umunyeshuri yakoranaga na se mu gihe cy’ibiruhuko, mu mpeshyi aribwo yazaga kujya gukora muri Kompanyi ya se yitwaga “Elizabeth Trump & Son” akimara kurangiza kwiga amashuri tumenyereye ku izina rya College.

Trump yari afite umugambi wo kuzagura ubucuruzi bwa se no kumuha igitekerezo cyo kuzajya akoresha amafaranga y’inguzanyo ya banki muri banki yitwaga “Trump apartment complexes.”
Mu by’ukuri umushinga w’ubucuruzi bwa se waruri mu mishanga ihangana n’iyindi kandi wunguka cyane ku buryo bugaragarira uwari we wese.

Mu mwaka 1971, Donald Trump yaje guhabwa kugenzura ibikorwa bya Kompanyi ya se abiherewe uburenganzira na se aribwo yaje guhita ayihindurira izina ayita “Trump Organization.”
Nyuma yabwo yaje kwimukira ahitwa Manhattan, ariho yakomereje ibikorwa bye atangira kujya aganira n’abantu bakomeye cyane muri business yararimo akora.

Trump yaje gutangira undi mushinga ageze muri Manhattan wo kujya ashushanya amazu ndetse akanayubaka yarangiza akongera akayagurisha aribyo byamuhaga amafaranga menshi cyane bityo atangira kuvugwa ahantu hose kubera ibikorwa bye by’ubucuruzi yakoraga.

Mu mwaka 1974, Donald Trump yinjiye mu bijyanye no kubaka amahoteli; batangiriye kuri Hoteli zari mu mujyi rwa gati, yahitwa Penn Central, muri Commodore ariko ntanyungu ihambaye bavanagamo.

Umwaka wakurikiyeho, Donald Trump yaje gusinyana amasezerano na n’umushinga warugiye gutangira kubaka hoteli witwaga “Hyatt Hotel Corporation” ariko iyo hoteli ubona ko nta hantu ifite ho gukorera hanini.

Trump yaje gukomeza gukorana n’iyo Kompanyi ariko yatangaga imisoro ku buryo bukwiye, aza kugabanyirizwa umusoro mu myaka 40 yose; aribwo yaje gushora andi mafaranga menshi mu kuvugurura ya Hoteli ya Hyatt hotel aza kuyihindurira izina ayita Grand Hyatt mu mwaka 1980.

Muri uyu mwaka 1980 nibwo iyi hoteli ye yitwaga Grand Hyatt yaje gutangira gukora ku mugaragaro, mu kanya nkako guhumbya iba itangiye kumenyekana ku rwego rwo hejuru.

Grand Hyatt itangira kwerekana ibikorwa by’ubukungu ku rwego ro hejuru ari nako Trump yagendaga arushaho kumenyekana ku bw’ibikorwa bye agahinduka ikirangirire n’igikomerezwa.

Uko yaje kwagura ibikorwa bye

Mu mwaka 1979, Trump yakodesheje inzu yiswe “Fifth Avenue” n’icyamamare Tiffany & Company, hari ah’icyitegererezo birangira ahaguze Miliyoni maganabiri z’amadorali ($200), yaje kuhafungura mu 1982, ahita izina rya “Trump Tower.”

Iyi nyubako Trump Tower yaje gutuma Trump Donald amenyekana ku rwego rwo hejuru. Mu mwaka umwe, ubwo ni ukuvuga 1982, Trump yaje kugerageza uburyo umukino w’urusimbi ushobora kumuha inyungu.

Uyu mukino w’urusimbi yari yarawushyize mu bikorwa mu mwaka 1977 muri New Jersey. Mu 1980 trump yarageze kurwego rwo kuba yagura icyaricyo cyose mu mujyi witwa “Atlantic City.”
Muri uyu mwaka yaje kugura Holiday Inn Corporation, mu 1984 agura Harrah $250 ayita Trump Plaza Hotel and Casino, nyuma y’igihe gito aza kugura Hilton Hotels casino-hotel muri Atlantic City.

Mu mujyi wa New York City, Donald Trump yahaguze izindi nyubako n’amahoteli bitagira ingano, aho yaguze hotel bita Barbizon-Plaza Hotel yari ituranye na Central Park birangira ayise Trump Parc.

Mu mwaka wa 1985 yaguze ubutaka bufite ubuso bungana na 76 acres, abugura Miliyoni $88 abuteganyiriza ko ariho azimurira televiziyo hari hazwi ku izina nka Television City, naho mu 1988 agura hoheli yitwa Plaza Hotel ayigura Miliyoni $407.
Donald Trump
Source: www.bio.com

Yanditswe na Bizimana Jean Damascene/Muhabura.rw


Tanga igitecyerezo

Amazina
Ubutumwa

4 Comments

- 4 months ago

kombona arumuherwe mubutunzi!nurusimbi yararukina?ahaaa!!arakomeye cyane.

- 4 months ago

ntabwo ariho amatekaye yagarukiye

Akayezu Jean de Dieu - 4 months ago

Uyu Mugabo ndabona afite amateka ariko ndabaza nti ko mwanditse amateka ye kugeza mu mwaka wa 1988 Gusa niho yagarukiye.?? Vraiment mwaturesumye cyane keretse niba muzaduha igice cya kabiri.

Murakoze cyane

John - 4 months ago

Byiza cyane ndabona yarateguye kare

Izindi nkuru