Yashyizweho kuri9 November, 2016 | 10:02

Donald Trump abaye Perezida wa 45 wa Leta Zunze Ubumwe za Amerika

Umunemari Donald Trump abaye Perezida wa 45 wa Leta Zunze Ubumwe za Amerika asimbuye Barack Obama wasoje manda ye ya kabiri ari ku butegetsi

Intsinzi y’uyu muherwe umaze imyaka myinshi mu bucuruzi yashimiye abamuteye ingabo mu bitugu mu mezi 18 bamaze biyamammaza muri Leta zose, anasaba abatamwishimiye guhindura imyumvire bakamwiyungaho kuko aje kubaka ataje gusenya.

Yanashimye byimazeyo Hillary Clinton bari bahanganye, nyuma y’uko na we amwoherereje ubutumwa bwo kwifatanya na we mu ntsinzi, icyizere agiriwe n’Abanyamerika muri rusange.

Yashimiye ababyeyi n’abandi bose bagize umuryango we ahamya ko bari mu bamufashije kugeza aho ari.

Arahamya ko nyuma y’imyaka ine ya manda ya mbere cyangwa iya kabiri nibishoboka Abanyamerika bazishimira ibyiza bagezeho ku bufatanye na Perezida ukunda igihugu kandi ucyifuriza ibyiza gusa.

Yagize ati "Dufite umushinga ukomeye cyane, tuzakuba ubukungu kabiri, kandi tuzakomeza kuzamura ubukungu. Nta nzozi na zimwe ziba nini, tugomba kubaka inzozi z’igihugu cyacu dukora imishinga ibyara inyungu."

Trump yashimangiye ko igihugu gikeneye gukira ibikomere by’amacakubiri, yizeza kuba Perezida w’Abanyamerika bose, bihabanye n’ibyo bamwe bibwira ko azangiza politiki y’ububanyi n’amahanga.

Ubwanditsi/MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe