Yashyizweho kuri24 May, 2019 | 12:23

Cyera kabaye Minisitiri Theresa May yatangaje ubwegure bwe

Kuri uyu wa Gatanu, Minisitiri w’intebe w’ubwongereza Theresa May yatangaje ko agiye kwegura ku mwanya w’Umuyobozi w’ishyaka ry’abadaharanira impinduka (Conservative Party).

Uyu muyobozi yavuze ko azegura ku mwanya w’Ishyaka rya Conservative ku wa 7 Kamena.Gusa ngo azaba agumye kumwanya wa Minisitiri w’intebe kugeza igihe uwuzamusimbura azaba amaze kuboneka.

Ubwegure bw’uyu mugore buje nyuma y’uko agerageje inshuro eshatu imbere y’inteko ishingamategeko y’Ubwongereza ngo iki gihugu kive mu muryango w’ibihugu by’i Burayi bikarangira atageze ku mugambi we.

Uyu mugore yatorewe kuba Minisitiri w’Intebe w’u Bwongereza asimbuye David Cameroon. Yari amaze imyaka itatu ahangana no gukura igihugu cye mu Muryango w’Ibihugu by’u Burayi.

Ukwegura kwe kugiye gutuma hahita hatangira gushakwa umuyobozi mushya w’ishaka na Minisitiri w’Intebe.

Byaje kugera aha gute?

Theresa May amaze iminsi ku gitutu ngo yegure nyuma yuko bamwe mu badepite bo mu ishyaka rye barwanyije uburyo yashakaga gushyira mu bikorwa ’Brexit’.

Muri kamarampaka ya 2016 Madamu May yari mu bashyigikiye ko Ubwongereza butava mu bumwe bw’uburayi, aratsindwa, gusa yagombaga gushyira mu bikorwa ibyo abaturage batoreye.

Kuva mu kwezi kwa mbere, inteko y’Ubwongereza yanze inshuro eshatu uburyo May yumvikanyeho n’ubumwe bw’uburayi bw’uko Ubwongereza bwagenda.

Ikibazo cyasigaye mu kumvikana mu nteko, umuhate uheruka wo gushaka ubwumvikane bwa ’Conservative’ na ’Labour Party’ ntacyo wagezeho.

Byageze aho May ashaka gusaba abagize inteko gutorera ko habaho andi matora rusange (referendum) - ibintu byarakaje cyane benshi mu bo mu ishyaka rye, n’ab’irya ’Labour’.

Byahise bishyira Madamu May ku gitutu kiruseho.

Umwanditsi wa politiki wa BBC Laura Kuenssberg yari yatangaje ko abaminisitiri banyuranye babona ko May atagomba kurenza kuri uyu wa gatanu adatangaje igihe azavira mu biro.

Ibi nibyo yakoze uyu munsi.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru