Yashyizweho kuri7 January, 2017 | 11:18

Cote d’Ivoire: Abasilikari Bigometse ku Butegetsi

Muri Cote d’Ivoire, abasilikali bigaruriye Bouake, umujyi wa kabiri mu bunini, hagati no hagati mu gihugu. Abaturage bavuga ko batangiye kumva amasasu mu gicuku, nka saa saba y’ijoro.

Nk’uko umwe mu banyamakuru bo mu murwa mukuru Abidjan yabibwiye Ijwi ry’Amerika, abasilikali bigometse no mu yindi mijyi ibiri: Korhogo na Daloa.

Kugeza ubu, ntibaravuga icyo basaba. Ariko ababisobanukiwe bemeza ko bashaka ko imishahara yabo izamurwa, bagahabwa n’amacumbi. Abigometse bakomoka mu bahoze ari inyeshyamba mu ntambara yaciyemo Cote d’Ivoire ibice bibiri kuva mu 2002 kugera mu 2011, binjijwe mu Ngabo z’igihugu. Bouake ni wo wari umurwa mukuru w’izo nyeshyamba.

Muri Cote d’Ivoire, abasilikali bigaruriye Bouake, umujyi wa kabiri mu bunini

Muri iyi myaka itanu ishize, Cote d’Ivoire yabaye mu ituze. Mu kwezi kwa 12 gushize, abaturage bongeye kwitorera inteko ishinga amategeko. Ishyaka rya Perezida Alassane Ouattara, n’ayo bafatanije begukanye intsinzi.

Kuva Ouattara ageze ku butegetsi, ni ubwa mbere umutekano w’igihugu uhuye n’ikibazo gikomeye. src:VOA

Yanditswe na Niyomugabo/Muhabura.rw


Tanga igitecyerezo

Amazina
Ubutumwa

1 Comment

Tera - 2 months ago

Hey there I am so delighted I found your website, I really found you by accident, while
I was searching on Askjeeve for something else, Anyhow I
am here now and would just like to say many thanks for a marvelous post and a all round thrilling blog (I also love
the theme/design), I don’t have time to go through it all at the minute but I
have saved it and also added in your RSS feeds, so when I have time I will be back
to read a great deal more, Please do keep up the great b.

my web page: Ca Do Bong Da truc tuyen

Izindi nkuru