Yashyizweho kuri30 November, 2016 | 10:47

Burundi: Mu biro by’Umukuru w’Igihugu ngo biteguye kwakira Umuhanuzi

Uwahoze ari umukuru w’igihugu cy’u Burundi, Domitien Ndayizeye, yagize icyo abwira u Burundi nyuma yaho mu biro bya perezida w’iki gihugu Pierre Nkurunziza biteguye kwakira Umuhanuzi ngo ababwire icyo abona ku gihugu cy’u Burundi.

Ibi ngo byabaye nyuma yuko mu gihugu cy’u Burundi hamaze iminsi myinshi cyane nta mutekano ugaragaramo, higanjemo intambara gusa.

Domitien Ndayizeye yagize ati, “birazwi cyane yuko n’abayobozi bakuru bazi ko nta mutekano dufite kandi nta n’amahoro ahari mu Burundi. Bigaragara ko abayobozi nabo bafite ubwoba, iyo bagize ahantu batemberera bajyenda mu madoka yuzuye intwaro za kirimbuzi.”

Ndayizeye yakomeje agira ati, “abarundi benshi baburiwe irengero, abandi barafunzwe, kandi abandi benshi cyane baranishwe. Ibi byose birerekana ko mu gihe nta ndwano zihari, nta mahoro dufite mu gihugu.

Ndayizeye Domitien arasaba abayobozi bose bayobora igihugu cy’u Burundi ko bagomba kwicara hamwe n’abo batavuga rumwe bakigira hamwe ku cyatuma amahoro agaruka mu gihugu cy’u Burundi.

Source: www.indundi.com

Yanditswe na Bizimana Jean Damascene/Muhabura.rw


Tanga igitecyerezo

Amazina
Ubutumwa

Izindi nkuru