Yashyizweho kuri15 January, 2017 | 11:26

Burundi:Bafungiwe Coltan Bajyanaga mu Rwanda

Mu Burundi, Urukiko ruku rwo mu ntara ya Kayanza, kuwa gatanu rwakatiye Igifungo k’imyaka cumi n’itanu Abanyarwanda babiri bafatanywe coltan. Abandi bantu icyenda bahamwe n’ibyaha baciriwe igifungo k’imyaka irindwi n’amezi atandatu.

Mw’ijoro ryo kuwa kane rishyira iryo kuwa gatanu, abantu bagera kuri cumi n’umwe barafashwe n’abashinzwe umutekano, m’uburasirazuba bw’Uburundi. Abo bafashwe bagizwe n’abanyarwanda icumi n’umurundi umwe.

Umuvugizi w’Igipolisi, Pierre Nkurikiye, yatangaje ko abo bantu bari makumyabiri na batatu, abatafashwe bakaba barirutse basiga abashinzwe umutekano. Uyu muvugizi yasobanuye kandi ko ubwo ayo mabuye yagaciro yafashwe yapimaga ibiro 1077 nkuko ijwi ry’Amerika dukesha iyi nkuru ibitangaza.
Ahacukurwa amabuye y’agaciro mu Burundi photo internet
Yanditswe na Ubwanditsi/Muhabura.rw


Tanga igitecyerezo

Amazina
Ubutumwa

Izindi nkuru