Yashyizweho kuri24 December, 2018 | 15:09

Burundi:Abasirikare n’imbonerakure baryamiye amajanja ku mipaka y’iki gihugu n’u Rwanda ndetse na RDC

Imipaka y’Uburundi aho bugabanira n’u Rwanda ndetse na RDC ubu irinzwe n’igisirikare cy’u Burundi n’imbonerakure ’abasore b’ishyaka riri kubutegetsi rya CNDD-FDD’.

Biravugwa ko imodoka z’ikigo cy’amashuri cya Butara n’icya Cibitoki arizo zifashishijwe mu ijoro ryo kuwa 16 na 17 Ukuboza, mu gukwirakwiza izo nsore sore z’imbonerakure ziherekejwe n’abapolisi,ku mipaka iki gihugu kigabaniraho n’u Rwanda ndetse n’igihu cya Repubulika iharanira demokarasi ya Congo.

Amakuru aravuga ko abo basore b’imbonerakure bacunga umutekano ku mipaka mu masaha y’ijoro bitwaje intwaro banambaye imyenda y’igisirikare cy’Uburundi,aho ibirindiro byabo bihera ahitwa Nyamitanga muri komine Buganda kugeza muri komine Bukinanyana iri mu majyaruguru y’uburengerazuba w’u Burundi.

Umwe mu basirikare barinda kuri iyo mipaka yabwiye SOSmediasburundi ducyesha iyi ati”Twabwiwe ko tugomba kwifatanya n’imbonerakure kubera ko hari ibihuha bivuga ko abarwanya ubutegetsi bw’u Burundi bari muri RDC no mu Rwanda bashobora kwinjira mu gihugu.”

Ku ruhande rw’abaturage baturiye iyo mipaka bafite ubwoba bw’uko izo mbonerakure zishobora kuzitwaza ibyo zikabacyucyura utwabo.

Hari uwagize ati”Ku manywa baba ari abasivile.Ariko ni njoro bafata intwaro bakambara imyenda ya gisirikare.

Dufite ubwoba ko bashobora kuzatwibira imitungo.

Nyuma y’uko abaturage batewe ubwoba n’izi mbonerakure,bahamagaye inzego zishinwe umutekano ngo zihagarike izi nsore sore,bityo mu ijoro ryacyeye ryo kuri iki Cyumweru tariki 23 Ukuboza,uburinzi bwakozwe n’abasirikare gusa kugira ngo birinde akavuyo kazo.

Gusa umuyobozi w’intara ya Cibitoki yahakanye ibi bivugwa ahubwo avuga ko ibi ari ibihuha biri gukwirakwizwa n’abatavuga rumwe n’u Burundi kugira ngo bashyire ubwoba mu baturage.

Ariko n’ubwo uyu muyobozi yahakanye iby’aya makuru, kuri tariki 23 Ukwakira 2018 umunyamabanga w’ishyaka riri kubutegetsi mu Burundi [CNDD-FDD] Joseph Ntakarutimana, yashimiye imbonerakure mu gikorwa cyo gukomeza kurinda imbibi z’igihugu muri iyi myaka itatu.

Chief Editor/MUHABURA.RW


Tanga igitecyerezo

Amazina
Ubutumwa

5 Comments

john - 5 months ago

Nibaryamire amajanja ,nyuma bazaryamira n’ibinono,ngo bategereje ababatera?ok sawa.

festus - 5 months ago

hhh ngo joseph ntakarutimana ngo numunyamabanga wa Cndd fdd??? mujye mutanga amakuru muzi neza

Vianney Nijimbere - 5 months ago

Mwame mugavye kuko mutazi umusi igisuma kizira kumena inzu (kwibirako)

William ndayikeza - 5 months ago

None ikibazo kirihe?umurundiwese ahamagariwe gucungera igihugucye none mwagomba bacungere urwanda canke congo?

- 5 months ago

Uwutambana Na Mukeba Ntakubita Urugohe

Izindi nkuru