Yashyizweho kuri21 October, 2019 | 14:48

Burundi:Abagororwa 16 bajyanwe mu bitaro bazira uburozi bariye mu biryo

Abagororwa 16 bari bafungiwe muri gegereza ya polisi mu Kayanza mu majyaruguru y’u Burundi barembeye mu bitaro bya Kayanza aho bari kwitabwaho n’abaganga nyuma y’uko bahawe ibiryo byarozwe.

Aba bagororwa bajyanwe igitaraganya ku bitaro byo mu Kayanza mu mpera z’iki cyumweru kuwa Gatandatu tariki 19 Ukwakira aho bivugwa ko barogewe n’ubundi muri iyo gereza ya polisi yo mu Kayanza.

Imiryango y’abo yibaza impamvu abantu babo aribo barogwa gusa mu gihe abandi ari bazima nk’uko SOS Médias ibitangaza.

Umugore wtwa Madeleine w’umwe muri abo bagororwa avuga ko polisi yanze ko bajya gusura bantu babo aho barwayi mu bitaro.

Ati"Ni gute abantu 16 bashobora kurogwa mu gihe abandi bameze neza? ikindi kibabaje polisi yatubujije kubareba aho bari ku bitaro.Gahunda yokubasura irabujijwe".

Umwe mu bapolisi utarashatse ko anmazina ye atangazwa yemeje ko aba bagororwa barozwe ariko yirinda kugira byinshi ibivugaho.

Avuga ko icyo bategereje ari ibizatangwa n’abaganga nyuma yo kubasuzuma bakamenya icyo bazize maze iperereza bakarishyiramo imbaraga ababyihishe inyuma bakabiryozwa.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru