Yashyizweho kuri24 April, 2018 | 14:02

Bidasanzwe leta ya RDC yemereye abayirwanya guterana

Abatavuga rumwe na leta ya Republika Iharanira Demokarasi ya Kongo bateguye igitera cyo kwiyereka ababashyigikiye , kikaba ari icyambere cyemewe na leta mu gihe kingana n’imyaka ibiri.

BBC ducyesha iyi nkuru yavuze ko Umukandida w’ishyaka ritavuga rumwe na leta, UDPS, mu matora y’umukuru w’igihugu yo mu kwezi k’Ugushyingo, Felix Tshisekedi,araza kugeza ijambo Ku bamushyigikiye bari bube bari ku kibuga cy’umupira w’amaguru i Kinshasa.Felix Tshisekedi aheruka gushinza umukuru w’igihugu Joseph Kabila, kuba ari umuntu uyoborana igitugu.

Bwana Kabila yagomba kuba yaravuye ku butegetsi mu 2016 ariko amatora yakomeje kwigizwa inyuma, akaba mbere yaranashinjijwe kuba ashaka kuguma ku butegetsi.Mu ntangiriro z’uyu mwaka, kiliziya Gatolika isanzwe ifite abayoboke benshi, yateguye imyigaragambyo yo kwamagana leta, ihagarikwa ku ngufu n’igisirikare abantu bagera kuri 15 bararaswa.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru