Yashyizweho kuri20 January, 2017 | 21:25

Amafoto y’Umugabo ufite igitsina kinini ku isi arimo kuvugisha benshi

Umunya-Mexique Roberto Esquivel Cabrera uzwiho kuba ari we ufite igitsina kirekire ku Isi, yanze ko bakigabanya, avuga ko kimushimishije bitewe n’uko nta wundi muntu ufite ikingana n’icye.

Roberto Esquivel Cabrera yavuze koashaka kuba ikirangirire ku Isi yose aho gukururwa no gukora imibonano mpuzabitsina, bityo ko adashobora kukigabanyisha.

Uyu mugabo w’imyaka 54 ukomoka mu gace ka Saltillo muri Mexique, afite igitsina kireshya na Sentimetero 48 (hafi kimwe cya kabiri cya metero), ku buryo iyo ahagaze gikora ku mavi.

Uyu mugabo wamenyekanye cyane mu 2015, agereranywa n’undi munyamerika witwa Jonah Falcon uzwi nk’umukinnyi wa filim we ufite igitsina kireshya na santimetero 34.

Ikinyamakuru The Mirror dukesha iyi nkuru, cyatangaje ko uyu mugabo yavuze ko ashaka kwandikwa mu gitabo cy’ababa bafite uduhigo twihariye (Guinness de record), bityo ko atakigabanya.

Ati “Ndi ikirangirire bitewe n’uko mfite igitsina kirekire ku Isi hose. Nshimishijwe nacyo, ndabizi neza ko nta wundi muntu ugifite. Ndifuza kuzandikwa muri Guinness de record nubwo mbona batabyitaho.”

Nubwo uyu mugabo yishimiye aka gahigo yihariye, abaganga bamugiriye inama yo kugabanyisha igitsina cye dore ko imiterere ye itatuma abasha gutera akabariro ngo abyare.

Dr Jesus David Salazar Gonzalez yagize ati“Twamugiriye inama tumubwira tuti ‘Roberto, icyiza kuri wowe ni uko abaganga baha ingano ikwiye igitsina cyawe kugira ngo ubashe gukora imibonano mpuzabitsina mu rwego rwo kukorohereza kubyara’, ariko yarabyanze atubwira ko ashaka kugira igitsina kinini kurusha abandi bose basigaye .”

Uyu muganga avuga ko igitsina cy’uyu mugabo cyatangiye kuba kinini ubwo yari akiri umusore.

Ubunini bw’igitsina cy’uyu mugabo butuma atabasha kuryama yubitse inda ku buryo bimusaba kuryama mu buryo bwose atakibangamira.

Ubwo yari akiba muri Leta Zunze Ubumwe za Amerika, Roberto ngo yagerageje kuryamana n’abagore babiri, ariko umwe yabonye ingano y’igitsina cye ariruka mu gihe undi yabihagaritse kuko yari atangiye kubabara cyane.

Roberto yemeza ko igitsina cye gisa n’icyamuteye ubumuga bitewe n’uko atabona uko yambara impuzankano z’akazi nk’abandi ngo ajye gukora, ngo ntiyanabasha kunama ngo akore ku mavi ndetse ntiyanabasha kwihuta ku buryo aho yakora hose ngo bamureba nabi.

Avuga ko leta yatangiye kumuha imfashanyo nk’umuntu ufite ubumuga n’ubwo yemeza ko idahagije.

Roberto avuga ko ashaka gusubira muri Amerika akaba ariho arangiriza ubuzima bwe asigaje kubaho, ndetse ngo afite n’icyizere ko azageraho akabona umugore bahuje ingano ku buryo babana.

Yanditswe na Chief Editor/MUHABURA.rw


Tanga igitecyerezo

Amazina
Ubutumwa

Izindi nkuru