Yashyizweho kuri14 February, 2018 | 07:19

Afurika y’Epfo barindiranye amatsiko yuko ko Zuma yegura k’ubutegetsi

Igihugu cya Afrika y’epfo kirindiranye igishyika cyuko Perezida wacyo Jacob Zuma atangaza ko yegura kur’uyu wa gatatu, nk’uko byategetswe n’ubuyobozi bw’Ishyaka ryiwe ANC.

Kuva aho ashyikirijwe ubuyobozi bwo kuyobora ishyaka mu kwezi kwa cumi na kabiri, icyegera cy’umukuru w’igihugu, Cyril Ramaphosa, yakomeje ashakisha uburyo bwose bushoboka kugirango Zuma yegure, ntihazabe intambamyi mu matora yo mu mwaka wa 2019.

Umunyamabanga mukuru wa ANC, Ace Magashule, mu kiganiro n’abanyamakuru i Johannesburg ejo kuwa kabiri, yavuze ko n’aho nta tariki bwite yo kwegura Zuma yahawe, yavuze ko agomba kuva ku butegetsi uko byagenda kose ntampinduka nimwe ishobora kuzabimubuza .

Mu gitondo cy’ejo kuwa kabiri, Cyril Ramaphosa uyobora ANC ari kumwe n’umunyamabanga mukuru wiryo shyaka , Ace Magashule, babonanye na Perezida Zuma.

JPEG - 114 kb
Perezida wa Afrika y’epfo Jacob Zuma n’icyegera cyiwe Cyril Ramaphosa

Muri uko kubonana, Zuma ngo yaba yarasabye kugumishwa ku butegetsi amezi make imbere yo kwegura, ariko ngo abo bategetsi bamubwiye ko bitakunda.

byitezwe ko Perezida Zuma agira icyo avuga ku mugaragaro ku byo yategetswe na ANC bitarenze kuri uno wa gatatu nk’uko amakuru ava mu ishyaka ryiwe ryabitangaje.

Yanditswe na Salongo Richard


Tanga igitecyerezo

Amazina
Ubutumwa

1 Comment

João Felipe Fernandes - 3 months ago

Lift Gold é algum artigo que tem eficiência chegado.

Aqui é meu página ; Beatriz

Izindi nkuru