Yashyizweho kuri5 June, 2019 | 18:56

Uruvunganzoka rw’Abongereza rwahagurukiye kwamagana Donald Trump ku buryo bukomeye

Abongereza benshi bari mu myigaragambyo yamagana uruzinduko rwa Perezida wa Leta Zunze Ubumwe za Amerika, Donald Trump yagiriye muri icyo gihugu, bavuga ko badashaka ko igihugu cyabo kigirana ubufatanye n’ubutegetsi bwe.

Trump n’umugore we bari mu ruzinduko rw’akazi rw’iminsi itatu mu Bwongereza guhera ku wa Kabiri, aho bagomba kugirana ibiganiro n’abayobozi barimo Minisitiri w’Intebe, Theresa May.

Ni uruzinduko benshi mu baturage b’iki gihugu cyane cyane mu murwa mukuru Londres batifuza, aho bari mu myigaragambyo bamwe bafite ibipupe bigaragaza Trump mu isura y’umwana ufite iPhone, ibindi yicaye ku bwiherero.

Ejo hashize abarenga ibihumbi icyenda biyandikishije ku rubuga rwa Facebook bashaka kwitabira imyigaragambyo yo kwamagana urwo ruzinduko, abandi ibihumbi 33 bagaragaza ko babyifuza.

Rimwe muri ayo matsinda yo kuri Facebook rivuga ko rishaka ngo ‘Isi imenye ko hano abantu tutamushaka, twamwamaganye na Politiki ze z’uburozi’.

Umuvugizi wa rimwe muri ayo matsinda yabwiye ABC News ko bishyize hamwe bamagana Trump ndetse ko abigaragambya kabikorera mu gihugu hose ariko igikorwa nyamukuru kibera ku rubuga rwa Trafalgar Square.

Umuyobozi w’ishyaka riharanira inyungu z’abakozi, Jeremy Corbyn, Trump aherutse kuburira ko yanze gufatanya na Amerika ari amakosa akomeye yaba akoze, yavuze ko iyo myigaragambyo ari amahirwe akomeye yo kugaragaza gushyira hamwe mu kwamagana abantu bose Trump yibasira muri Amerika, ku Isi no mu Bwongereza’.

MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru