Yashyizweho kuri4 November, 2018 | 13:25

Aba Mayi Mayi bagabye igitero kuri gereza ya Beni imfungwa ziratoroka

Aba Mayi Mayi bagabye igitero kuri gereza ya Beni iherereye muri Kivu y’Amajyaruguru ya Repubulika iharanira Demokarasi ya Kongo imfungwa zirenga 30 ziratoroka.

Umucamanza mukuru wa gisirikare mu ntara ya Nord-Kivu, ahagabwe icyo gitero, Maj Kazadi Nzengu, yabwiye AFP ducyesha iyi nkuru ko aho urukiko rwa Beni rukorera hagabwe igitero.

Ati"Ikicaro cy’ubucamanza bwa gisirikare i Beni cyatewe n’aba Mai-Mai.Imfungwa nyinshi zagiye izindi ziratoroka".

Umuvugizi wa gisirikare muri ako karere, Mak Hazukay na we yemeje iby’uko icyo gitero cyabayeho avuga ko barwanye n’Aba Mayi Mayi imfungwa zimwe zigatoroka.

Ati "Twarwanye turabirukana.Imfungwa zavuye muri gereza.Ni aba Mai-Mai baje gutwara ababo."

Gusa abo bategetsi babiri ntacyo bavuze ku mubare nyawo w’imfungwa zari zifungiye muri iyo gereza ndetse n’umubare ishobora kwakira.

Mu mujyi no mu karere ka Beni hakunze kugabwamo ibitero by’abantu bitwaje intwaro bo mu nyeshyamba zo muri Uganda ADF.

Ibyo bitero kandi bishinjwa aba Mai-Mai ndetse n’udutsiko tw’abarwanyi bashingiye ku bwoko.

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru