Yashyizweho kuri1 October, 2016 | 09:47

U Rwanda rwari rurahagarariwe mu muhango wo gushyingura Shimon Peres wahoze ayobora Israel

Minisitiri w’ububanyi n’amahanga w’u Rwanda Madame Luis Mushikiwabo, yari I Yerusalemu mu murwa mukuru wa Israel, aho yitabiriye umuhango wo gushyingura uwahoze ari Perezida w’icyo gihugu Shimon Peres witabye Imana kuri uyu wagatatu, ku myaka ye 93.

Minisitiri Mushikiwabo, uhagarariye Perezida wa Repubulika na leta y’u Rwanda muri rusange, yitabiriye uwo muhango, wahurije abayobozi bakomeye ku isi mumujyi wa Yerusalem, mu rwego rwo kwifatanya na leta y’icyo gihugu mu guherekeza uwabaye igihangange mu guharanira amahoro mugace k’uburairazuba bwo hagati.

U Rwanda nk’igihugu gikomye mubijyanye n’ubutwererane, nticyatanzwe kwerekana ko kifatanije na leta ya Israel, dore ko na Nyakubahwa Peresida wa Republika Paul Kagame yatanze ubutumwa bwe bwo kwihanganisha Israel kuri uyu wa gatatu abinyujije ku rubuga rwe rwa twitter.

Umurambo wa Peres uvanye aho wari uruhukiye mu cyubahiro cyinshi (photo internet)

Inkuru y’urupfu rwa Shimon Peres, yatangiye gucicikana mu bitangazamakuru kuva kuwa gatatu w’iki cyumweru dusoza, kugeza nan’ubu abayobozi batandukanye bakomeje koherereza ubutumwa bwo kwihanganisha leta ya Israel n’umuryango wa Peres muri rusange.

By Aphrodice Nshimyimana/Muhabura.rw


Tanga igitecyerezo

Ibitekerezo


Tanga igitekerezo


Izindi nkuru