Yashyizweho kuri7 November, 2018 | 10:07

Amwe mu magambo akomeye yuzuye ubwirasi Idi Amin Dada yavuze

Idi Amin Dada yabaye Perezida wa Uganda guhera mu 1971 aho yari ahiritse uwayoboraga iki gihugu Milton Obote, ageza mu 1979 yongera gusimburwa nanone na ilton Obote.

Idi Amini yagiye arangwa no kuvuga amagambo akomeye yuje igitugu cyinshi, ntiyatinyaga gusebya abaminisitiri mu ruhame, ndetse ntiyatinyaga kwica kuko iyo yabaga yabikubwiye yarabikoraga.

Aya ni amwe mu mgambo yavuze.

.“Sindi umunyapolitki ariko ndi umusirikare wabigize umwuga. Ngewe rero ndi umugabo w’amagambo make kandi mvuga make mu kazi kanjye.”

.“Tubaye tuzi ibisobanuro by’ibiri kutubaho muri iyi minsi, nta busobanuro bwaba bubaho.”

.“Muri buri gihugu hari abantu baba bagomba gupfa. Ni ibitambo igihugu kigomba gutanga ngo kigere ku mategeko n’umutuzo.”

.“Ndi intwari ya Afurika”

.“Politiki ni nk’umukino w’iteramakofe, uba ugerageza gukubita hasi uwo muhanganye.”

Ku buyobozi bwe n’abazungu ntiyabatinyaga

Hari ibikorwa bikomeye yakoreraga abazungu bigakurikirwa n’amagambo ateye ubwoba nkeka ko kuri iki gihe nta mwirabura watinyuka kuyahingutsa imbere y’abazungu

Hari aho yagize ati.“Ndi umuyisilamu mwiza cyane kandi nshishikajwe n’idini rya Isilamu gusa”

.“Njyewe mbona ari njye muntu ukomeye kuri iyi si.”

.“N’ubwo abantu bafata Adolfe Hitler nk’umuntu mubi, ahubwo yari umuntu w’igitangaza , indwanyi nyayo idashobora kwibagirana.”

.“Uko wakwiruka kose , ntiwasiga isasu.”

. “Abanyafurika twajyaga duheka abanyaburayi ariko ubu nibo baduheka twabaye ba shebuja.

Uyu mugabokandi yagiye arangwa n’udushya twinshi mu myaka umunani yamaze ayobora igihugu cya Uganda , nk’aho yikuye ku ipeti rya jenerali Majoro akigira Marishali.

Gusa nubwo uyu mugabo yaranzwe n’ubutegetsi bw’igitugu ndetse no kwica inzirakarengane, ariko hari icyo yashimwaho nko kwiganzura abazungu bari barakoronije Afurika bakagira ibihugu by’Afurika nk’imirima yabo.

Niyomugabo Albert/MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe