Yashyizweho kuri24 June, 2019 | 19:09

Uganda:Abana batandatu bo kumuhanda bishwe n’umusozi wabaridukiyeho basinziriye

Abana batandatu bo mu muhanda bari baryamye muri ruhurura iri hafi y’ikigo cy’amashuri mu mujyi wa Kampala bishwe n’urukuta rwabagwiriye ubwo bari basinziriye.

Aya makuru yemejwe n’umuvugizi wa polisi mu mujyi wa Kampala Luke Owoyesigire aho yavuze ko babiri muri bo aribo barokotse iyo mpanuka.

Yabwiye AFP ducyesha iyi nkuru ati" Bitewe n’igikuta cya ririya shuri cyabashije kwihanganira ubwinshi bw’imvura cyahise kiriduka kibagwa hejuru kicamo abana batandatu abandi babiri barakomereka".

Avuga ko polisi ishinzwe ubutabazi yahise ihagera ikaba irimo kureba ko hari undi waba ataraboneka bitewe n’uko ashobora kuba yapfundikiwe n’itaka ry’urwo rukuta.

Akomeza agira ati “Polisi ishinzwe ubutabazi yahageze kugira ngo irebe ko hari abataraboneka baba bapfundikiwe n’itaka".

Uyu muvugizi wa polisi yavuze kandi ko ubu polisi iri kugerageza gushaka imyirondoro y’abo bana bakabasha kubajyana mu miryango yabo.Yongeyeho ko abo bana bari baryamye muri iyo ruhurura akanya gato.

Nk’uko bivugwa ngo ni ubwa kabiri impanuka mk’iyo ibaho kuko yigeze no kubaho aho abantu batanu bo mu muryango umwe bapfuye mu kwezi gushize ubwo urukuta rw’inzu cyabagwiraga.

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


1 Comment

richard nduwimana - 3 months ago

Abapfuye imana ibakir mubwami bwayo tukabwira imiryango yabana bageragez kwihanga ivyisi nikobigenda

Izindi nkuru

Inkuru zikunzwe