Yashyizweho kuri5 December, 2016 | 06:29

Perezida Kagame na Madamu bishimanye n’abana baturutse mu turere twose

Perezida Kagame na Madamu Jeannette Kagame bishimanye n’abana bagera kuri 200 baturutse mu turere twose tw’igihugu kuri iki cyumweru tariki ya 4 Ukuboza 2016, mu birori ngarukamwaka bisoza umwaka.

Ibi birori byabereye muri Village Urugwiro, aho Perezida Kagame na Madamu Jeannette Kagame bahuye n’aba bana bafite hagati y’imyaka 7 na12 barimo abatsinze neza mu ishuri, abafite ubumuga n’abandi batoranyijwe barimo ab’abakozi bo muri Village Urugwiro, Imbuto Foundation na Unity Club.

Nyuma yo gusangira ibyishimo abana bakagaragaza impano zabo ziganjemo izishingiye ku muco nyarwanda, Perezida Kagame yashimangiye ko indangagaciro n’umuco bikwiye guhora mu burezi bw’uwana kuko ari we mizero y’igihugu cy’ahazaza.

Yagize ati “Ibi byakozwe kugira ngo mwumve neza ko muri ab’agaciro kuri twe kandi dushyize imbere uburere bwanyu. Indangagaciro n’umuco byacu bigomba guhora ari umusingi w’uburezi buhabwa abana bacu. Leta dukomeze gushingira impinduka z’igihugu cyacu ku bo turi bo no gucengeza umuco wo kwihesha agaciro mu bana bacu.”

Perezida Kagame yashimye Unity Club itegura iyi gahunda buri mwaka nk’ikimenyetso cy’uko bazirikana ko bashyigikiye uburere n’imibereho y’aba bana n’uburere bahabwa mu mashuri nomu ngo zabo.

Ababana bishimiye cyane kuba bumvaga cyangwa babona Perezida Kagame na madamu Jeannette Kagame kuri televiziyo ariko bakaba babonye amahirwe yo kubonana nab o imbonankubone.

Umwana wafashe ijambo mu mwanya wa bagenzi be Uwase Hirwa Honorine, yashimiye abayobozi b’u Rwanda ku murava bashyira mu byateza abaturage imbere ndetse bakaaharanira kubarinda hamwe n’ibyabo.
Ibi byakozwe kugira ngo mwumve neza ko muri ab’agaciro kuri twe kandi dushyize imbere uburere bwanyu. Indangagaciro n’umuco byacu bigomba guhora ari umusingi w’uburezi buhabwa abana bacu. Leta dukomeze gushingira impinduka z’igihugu cyacu ku bo turi bo no gucengeza umuco wo kwihesha agaciro mu bana bacu-Perezida Kagame
Yanditswe na MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe