Yashyizweho kuri1 November, 2016 | 08:40

Kayonza :Ngo ntibakijya I Bugande gushakayo amashuli y’abana babo

Ababyeyi barerera mu ishuri ry’incuke n’abanza mu kigo Victorious Academy baravuga imyato iri shuli kuko ryabakuye ku ngendo bakoraga bajya i Bugande gushaka amashuli y’abana babo kuri ubu ntibakigira guhangayikira ireme ry’Uburezi.

Ishuri Victorious Academy ry’abagande rifite icyicaro gikuru mu mujyi w’Akarere ka Kayonza arinaho ryatangiriye mu mwaka wa 2013, rifite kandi amashami yaryo i Gahini no mu Karere ka Rwamagana.

Umuyobozi w’ishuri Victorious Academy Musisi Bob Charles yagize ati“kwigisha umwana w’incuke ni iby’agaciro mu bumenyi n’uburere kandi bazamuka batsinda neza, dutsindisha 100%, abanyeshuri 50 bo mu mashuri abanza bakoze umwaka ushize bose baratsinze”

Uwizeye Vedaste Uhagarariye ababyeyi barerera kuri Victorious Academy
Yagize ati“abana baryigaho batsinda neza,ishami rya Rwamagana ryaturuhuye amatike y’imodoka twatangaga twohereza abana bacu kuryigaho i Kayonza dukurikiye ireme ry’uburezi

Avuga ko kandi iri shuri ry’abagande ryorohereje ababyeyi bajyaga gushaka amashuri y’abana asobanutse Uganda bakurikiyeyo uburezi bufite ireme;ndetse n’ururimi rw’icyongereza.

Giramata Joyce nawe uharerera avuga ko kubera kurarikira ireme ry’uburezi bahabona kandi nta bushobozi afite ngo yemeye gusabayo akazi ko kogosha abanyeshuri baryigaho kugirango abana be nawe baryigemo.

Umunyamabanga Nshingwa bikorwa w’Umurenge wa Muhazi Egide Hanyurwimfura iri shami riherereyemo avuga ko ngo kubera ubunararibonye babona kuri iki kigo,n’abatuye kure y’umujyi bashyiriweho imodoka zijyana abana ku ishuri.
Niyigaba Elia wigaga muri Gs Rugando i Kigali ati “iki kigo gifite itandukaniro mumyigishirize niyo mpamvu naje ngikurikiye, ndikwitegura ikizamini cya Leta nzatsinda ndabyizeye mba uwa kabiri, kandi n’abanyeshuri baharangirije bose baragitsinda”

Ku gicamunsi cyo Kuwa 30/10/2016, abana barangije amashuri y’incuke ndetse n’abanyeshuri bitegura gukora ikizamini gisoza amashuri abanza baherekejwe n’ubuyobozi n’ababyeyi babo bakoze ibirori(Graduation).

Bakaba baratangije urugendo ruva ku ishuri ryabo ishami rya Rwamagana hahuriye ayo mashami yose 3,bazenguruka mu mujyi wa Rwamagana bishimira umunsi wabo banahabwa indangamanota asoza uyu mwaka.
Ni igikorwa ngarukamwaka, iri shuri rifite abanyeshuri 900 bose hamwe ab’incuke n’abamashuri abanza, kandi buri mwaka umubare ukaba wiyongera. Umuyobozi w’ishuri Victorious Academy Musisi Bob Charles avuga ko ireme ry’uburezi rihera ku ncuke, ngo bakaba batsindisha abana ku manota meza kuko babitaho.

Bakoze urugendo kuturuka ku ishuri ryabo iRwamagana barangajwe imbere n’umuyobozi mukuru w’ayo mashami n’incuke bazenguruka umujyi wa Rwamagana


Yanditswe na Akayezu Jean de Dieu/MUHABURA.rw


Tanga igitecyerezo

Amazina
Ubutumwa

3 Comments

mami - November 2016

turashimira abarezi bokuriryo shuri ndetse n’abayobozi kandi tubasaba ko banashyira amashami muntara zose natwe tugashyiramo abana bacu

mami - November 2016

turashimira abarezi bokuriryo shuri ndetse n’abayobozi kandi tubasaba ko banashyira amashami muntara zose natwe tugashyiramo abana bacu

Musisi Bob Charles - Kayonza - November 2016

Turashimira Muhabura kutubera ijiso nukutujezaho ibintu byinjenzi bidufitiye akamaro cyane ibijanye nuburezi mu bana bu Rwanda rwejo. Ndababashimiye.

Izindi nkuru

Inkuru zikunzwe