Yashyizweho kuri1 November, 2016 | 06:30

Kubonana na Perezida Kagame ngo byafashije Viviane kuba uwa mbere mu gihugu

Ngo kuba perezida Kagame yarigeze kwishimira igihangano cye, ni byo bimutera imbaraga ku buryo no mu marushanwa y’imivugo n’indirimbo gakondo ku bumwe n’ubwiyunge yasojwe kuri uyu wa 31 Ukwakira, Uwababyeyi Viviane w’imyaka 12 wari uhagarariye akarere ka Nyamasheka yabaye uwa mbere mu mivugo ku rwego rw’ihihugu.

Nyumo yo kugaragaza kwigirira icyizere imbere y’imbaga, abo bahanganye ndetse n’akanama nkemurampaka, uyu mwana wiga mu mwaka wa kabiri w’amashuri yisumbuye mu kigo cya E.S.Tyazo, yaje guhiga abandi 29 maze ahabwa sheki ingana na miliyoni y’amanyarwanda (1,000,000 rwf).

Yahawe Sheke ya miliyoni y’amanyarwanda

Ubwo bari barangije kuvuga imivugo bategereje amanota, Muhabura.rw yegereye uyu mwana maze n’icyizere cyinshi agira ati: “mfite icyizere ko ndi butsinde nkaba uwa mbere. Nimara gutsinda nk’uko mbyizeye, amafaranga aravamo nzayokoresha mu guteza impano yange imbere.

N’aho ntabona igihembo, nzashaka ubundi buryo byo gushyira ubunyamwuga mu mpano yange. Nzajyana imivugo yange muri studio bayikorere record".

Tumubajije ku bijyanye n’aho akura icyizere n’imaraga, yagize ati: “ubwo perezida Kagame yasuraga akarere ka Nymasheke, navuze umuvugo uramushimisha, ankora mu ntoki … Byaranyubatse, binyongerera icyizere mbese numva ko nshoboye. Kuri ubu ndifuza kuzakorwa mu ntoki n’abandi bakomeye nka we no ku rwego mpuzamahanga.

Twamubajije ijambo yaba yarabwiwe na perezida kuri iyo nshuro, atubwira ko ari ibanga. Akomeza avuga ko yizeye ko bazongera bagahura. Twabibutsa ko uyu mwana yatangiye gukoresha iyi mpano ubwo yari afite imyaka icyenda, aha yigaga mu wa gatanu w’amashuri abanza.

Yifotozanya n’abayobozi baje bamuherekeje

Viviane afite imyaka 12 gusa

Abantu bari benshi binganjemo aabahatana

Yanditswe na Lucky van Rukundo/Muhabura.rw


Tanga igitecyerezo

Amazina
Ubutumwa

4 Comments

- 4 months ago

Imana ikomeze imushyigikire.

- 4 months ago

Imana ikomeze imushyigikire.

Mahoro - 4 months ago

Uwo mwana rwose arashoboye ahubwo naterwe inkunga akomeze mp agerenokurwego uzamahanga.

Mbarushimana jean pierre - 4 months ago

Mubyukuri nibyishimo bikomeye kuko uwo mwana yavutse mureba mbona yifitiye ikizere gikomeye mubyo yakoraga byose ubworero kwegukana umwanya wambere ntabwo byantungura rwose ahubwo navuga nti mwana Wacu komeza utere imbere ntibibe murwanda gusa bigere nohanze yigihugu kandi birashoboka cyane kandi nge navuga nti leta y’urwanda gytere unkunga impano yumwana bamushakira ishuri rikomeye rimufasha nokumenya indimi muburyo bwihuse kugirango afashe kuzajya akompeta kurwego mpuza mahanga murakoze.

Izindi nkuru

Inkuru zikunzwe