Yashyizweho kuri28 July, 2019 | 19:32

Ku myaka 6 umwana yaguze igorofa ya miliyoni 8 z’amadorari abicyesha urubuga rwa YouTube

Boram umukobwa w’imyaka 6 ari mu byamamare bikomeye muri Koreye y’epfo kubera amashusho atangaza ku rukuta rwe twa YouTube bitewe n’umubare munini w’abamukurikira bimuhesha kwinjiza agatubutse kanatumye agura umuturirwa hagati mu murwa mukuru Seoul.

Muri rusange uyu mwana afite abantu bakurikirana ibyo ashyira muri Youtube bangana miliyoni 30. Iriya nzu irimo ibikorwa by’ubucuruzi yayiguze miliyoni $8 ni ukuvuga miliyari 9.5 by’amafaranga yo muri Koreya y’epfo.

Uyu mwana w’agatangaza kuri ubu afite ahantu habiri kuri YouTube ashyira video z’ibyo ashaka ko abafana be babona.Hari video aherutse gushyiraho irebwa b’abantu miliyoni 376 ku isi hose ibintu bidakunze kubaho no mu byamamare tuzi bikoresha urwo rubuga.

Gusa umuryango Save the Children kurega uyu mwana kuri Polisi uvuga ko hari video asohora zishobora kwigisha abana bo muri Koreya imico mibi ndetse n’abandi babasha kumva no kubona ibyo biganiro bye.

Video zatanzweho urugero na Save the Children harimo imwe imwerekana yiba amafaranga Se ndetse n’indi yagaragayemo atwaye imodoka kandi atarageza imyaka yo gutwara ikinyabiziga.

CNN ducyesha iyi nkuru ivuga ko nyuma y’uko Polisi yakiriye ikirego cya Save the Children nayo yahise igishyikiriza urukiko rushinzwe imanza zirebana n’abana, rusaba ababyeyi ba Boram gutangira kujya bamuganiriza bakamubwira ibibi byo kwigisha bagenzi ibyatuma bitwara nabi bakanica amategeko.

Umwanzuro wahise ufatwa ni uko izo video zose zari zateje ikibazo zahise zisibwa kuri YouTube.

Muri 2018 umwana ukuri muto winjije amafaranga menshi ku isi ni Umunyamerika witwa Ryana Kaji winjije miliyoni $22.

Ibi byo gukorera ubucuruzi kuri YouTube ni ibintu biharawe n’abantu benshi baba ibyamamare ndetse n’abandi batandukanye kuko muri iyi minsi bisigaye byinjiriza benshi agatubutse.

JPEG - 29.8 kb
Uku niko Boram aba ameze muri video akunze gushyira kuri Youtube

Yanditswe na Habarurema Djamali


Tanga igitecyerezo

Ibitekerezo


Tanga igitekerezo


Izindi nkuru