Yashyizweho kuri26 June, 2019 | 07:52

Gasabo : Abana 2 b’abahungu bavukana bapfuye mu buryo bw’amayobera bitera abantu ubwoba

Abana 2 b’abahungu bapfuye mu buryo bw’amarabira Kuri uyu wa Kabiri taliki 25 , ubwo bafatwaga n’uburwayi butaramenyekana, Byabereye mu mudugudu wa Tetero, Akagari ka Kabuye, Umurenge wa Jabana mu Karere ka Gasabo.

Uwimana nyina w’aba bana yabwiye inzego z’ibanze ko ku wa mbere taliki 24 ahagana saa tatu z’ijoro yagiye kuryama n’abana nk’uko bisanzwe nyuma agatotsi gatangiye kumutwara ngo haza ibintu biramuniga bamubuza kuvuga.

Ngo yakojeje akaboko ku bana bari baryamye hafi aho ngo yumve uko bamerewe ‘yumva bakonje ndetse bazanye urufuzi’.

Bukeye yarabyutse ajya kubiterereza umuturanyi we w’umugore, nyuma baza guhindukira basubira kwa Uwimana ngo barebe icyabaye ku bana basanga bombi bitabye Imana.

Nyuma y’ibi kandi uyu mugore nawe yarafashwe araremba bituma batumizaho umugabo we kugira ngo aze arebe ibibereye iwe nawe ahageze arafatwa.

JPEG - 50.7 kb
Umuvugizi wa Police mu mujyi wa Kigali, CIP Marie Goretti Umutesi

Umuvugizi wa Police mu mujyi wa Kigali, CIP Marie Goretti Umutesi, yatangarije umunyamakuru ko byabaye.

CIP Marie Goretti Umutesi ati: “ Abana bitabye Imana n’ababyeyi babo nabo barafashwe bari kwa muganga ku kigo nderabuzima cya Kabuye.

Abana bitabye Imana ni Niyogushimwa wari uruhinja rw’amezi 9 na Niyomugabo w’imyaka 7.

Albert Niyomugabo/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe