Yashyizweho kuri4 December, 2016 | 13:04

Abana barishimana na Jeannette Kagame mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017.

Ibirori birabera muri Village Urugwiro, aho Madamu Jeannette Kagame ahura n’abahungu n’abakobwa bafite hagati y’imyaka 7 na12 batsinze neza mu ishuri, ababana n’ubumuga n’abandi batoranyijwe barimo ab’abakozi bo muri Village Urugwiro, Imbuto Foundation na Unity Club.

Abana baturutse mu turere bagiye batoranywa ku bwo gutsinda neza mu ishuri n’abandi bafite ubumuga cyangwa indi mibereho mibi. Aba bana bagaragiwe n’abayobozi bahagarariye uturere ndetse n’ababyeyi bakabafasha kwishima mu mikino, gusangira impano, ibyishimo maze ibirori bikarangira bakase umugati nk’uko bisanzwe bikorwa buri mwaka.

Mu mwaka washize wa 2015 abana bagaragaje ibyishimo mu mbyino, mu mivugo yagarutse ku gushima uruhare rwa Madamu Jeannette Kagame na Imbuto Foundation mu iterambere ry’umukobwa, kumwigisha kwizigama, kutitinya no guharanira iterambere rye.

Madamu Jeannette Kagame yabashimiye abasaba kudacika intege ku rwego bagezeho rwo guhanga ibihangano byuje ubutumwa bwinshi abasaba guhora banaharanira gutera ishema ababyeyi babo
.
Nyuma y’ibirori aba bana bahabwa impano bagenewe na Madamu Jwannette Kagame.

Yanditswe na MUHABURA.RW


Tanga igitecyerezo

Amazina
Ubutumwa

Izindi nkuru

Inkuru zikunzwe