Yashyizweho kuri6 January, 2019 | 16:58

Abana babiri b’impanga bavutse bafatanye imitwe bagiye gutandukanywa

Rabeya na Rukaiya, ni abana b’impanga b’imyaka ibiri y’amavuko, bavutse bafite imitwe ifatanye, ubu bakaba bitegura kubagwa imitwe yabo igatandukanywa.

Aba bana bagaragara mu mafoto bafashwe ikiganza na se, Mohammed Rafiqul ngo bagana mu bitaro’ Medical College Hospital’ biherereye i Dhaka, mu Mujyi wa Bangladesh.

Nk’uko DM ducyesha iyi nkuru ibitangaza, ngo aba bana b’abakobwa bavukiye mu ivuriri ry’i Pabna muri Bangladesh muri Nyakanga 2016, abaganga basanze bafite imitwe ifatanye banzura ko bazabatandukanywa bagize imyaka ibiri.

Ababyeyi babo,Taslima Khatun Uno na Mohammed, bombi ni abarimu, batangaza ko batari bazi ko aba bana babo bazavuka bafatanye imitwe, ko babimenye umunsi bavukaga.

Taslima ati “Ku bw’ejo habo hazaza ni ngombwa ko batandukanywa, ntabwo bagira ubuzima buzira umuze. Mu gihe baba batatandukanijwe birashoboka cyane ko bazakura bakambaza impamvu ntabatandukanije”.

Niyomugabo Albert/MUHABURA.RW


Tanga igitecyerezo

Ibitekerezo


Tanga igitekerezo


Izindi nkuru