Yashyizweho kuri9 April, 2019 | 15:05

Ku myaka 9 ni 6 y’amavuko,abana babiri biga mu mashuri abanza bakoze ubukwe bitangaza benshi

Abana babiri bo mu ishuri ribanza bakoze ubukwe ndetse banahabwa n’impano y’ubukwe mu muhango witabiriwe n’abatari bacye mu burasirazuba bw’igihugu cya Uganda mu cyumweru gishize .

Nk’uko Daily Monitor ducyesha iyi nkuru ibitangaza ngo umuhungu utaratangajwe amazina afite imyaka 9 y’amavuko ndetse n’umukobwa afite imyaka 6 bambikanye iy’urudashira imbere y’imbaga y’abantu mu cyaro cya Nakapyata mu karere ka Buyenda.

N’ubwo ibi byabaye ngo ntabwo amategeko ya Uganda abyemera kuko ntawemerewe gukora ubukwe afite imyaka iri munsi ya 18 y’amavuko,gusa biragaragara ko ababyeyi b’aba bashyingiranwe barabyemeye nk’igitekerezo cyiza kubera ko aba bana bombi bazakura babana.

Bivugwa ko aba bombi batangiye guteretana bakiri bato cyane.

Ngo impamvu ngo ni uko aba bombi bavukanye amenyo abiri bityo ngo niyo mpamvu nyamukuru yatumye ababyeyi babo babaretse bagashakana nta kuzuyaza.

Delifazi Mulame, se w’umuhungu yagize ati"Umuhungu wanjye yavukanye amenyo abiri.Ukuvuka kwe kwabaye umugisha kandi izina rye rigomba kuba rihuje ubwami bwa Baganda na Basoga".

Umwarimu wo ku kigo cy’amashuri abanza ya Buyende aho umuhungu yiga witwa Barbra Namulesa,yemeje ko uburyo umuhungu yitwara bitangaje ndetse n’ubwenge bwe ngo byatumye amwemera nk’umuntu w’agatangaza.

Nyina w’umukobwa,Mwadi Mutesi 38 y’amavuko nawe yavuze ku bitangaza by’umukobwa we mu mibereho ye.

Nyuma yo kuvuka ako kanya yahise avuga! Igihe nari nagiye gukora,narabajije nti uyu mwana ni mwana ki hanyuma baransubije ngo ni umukobwa.Ariko,umukecuru w’umubyaza yanciye intege ubwo yavuga ko umwana wanjye yavukanye amenyo abiri mpita nshaka kumukubita hasi.

Ati"Ubwoba nahise ngira ako kanya ni ubw’uko nzabasha konsa umwana ufite amenyo.Gusa nahise ndemwa agatima na muramukazi wanjye twari turi kumwe kwa muganga."

Muri ubwo bukwe,ngo hari ikiyoka gipima metero ebyiri z’uburebure kiri hafi y’umukobwa n’umuhungu,maze abakuru bavuga ko ari cyo kiri kurinda abo bageni bashya.

Umuvugizi wa Polisi ya Busoga y’amajyaruguru,Michael Kasadha yagize ati"Ibikorwa byose by’ubukwe bigomba kuba hagati y’abantu bagejeje ku myaka 18 cyangwa hejuru.Imyaka iri hasi rero,ntabwo mwashyingiranwa.Turashaka kure impamvu zifatika zibyihishe inyuma".

Yanditswe na Habarurema Djamali


Tanga igitecyerezo

Amazina
Ubutumwa

Izindi nkuru

Inkuru zikunzwe