Yashyizweho kuri20 December, 2019 | 05:17

Niyo twatwarwa n’imirimo gute dukwiye gushaka umwanya wo kwita ku bana bacu -Sekanyange Leonard

Umuyobobozi wa Coalition Umwana ku isonga mu Rwanda Sekanyange Jean Leonard avuga ko iterambere no gushaka imibereho kw’ababyeyi bituma uburere bw’umwana bugenda budohoka , ngo Kuko abana basigaye barerwa n’abakozi bo mu ngo kandi uburere bwabo butizewe neza, nabo ubwabo bagomba kwi tabwaho

Ibi umuyobobozi wa Coalition Umwana ku isonga ya bivugiye mu nama yahuje imiryango inyuranye yita ku burenganzira bw’abana, munama yari yitabiriwe n’inzego zitandukanye, harimo ababyeyi, abahagarariye amadini, abarezi, abanyamategeko n’inzego z’umutekano kuri uyu wa 19 Ukuboza 2019.

Sekanyange agaragaza ko ikibazo kiri mu myitwarire y’umuryango nyarwanda yahindutse ku buryo ababyeyi na bo byabarenze, kuko usibye no kwita ku b’abandi, ngo n’abo babyaye nta mwanya bababonera ngo kuko uburere bw’abana ba buhariye abakozi bo mu rugo .

Sekanyange Jean Leonard Agira ati, “Iterambere ryatwaye abantu, bataryitabaje ubuzima ntibworoshye, umwana yabaye uw’umukozi, ese uzi ikigero cy’uburere bw’umukozi wo mu rugo ku buryo na we azabuha umwana wawe ,ese ubundi uwo mukozi ukurera wa hindutse umurezi w’abana bawe umuha akahe gaciro ”?

Yagize ati ”Hari igihe nyirabuja w’umuntu amutesha umutwe, nawe wa mujinya aba afite, iyo muri urwo rugo haba umwana muto ni we awutura, akaba yamwicisha inzara, akamukubita n’ibindi.

Akomeza akebura ababyeyi agira ati “Nturi mu rugo n’umwana ku ishuri ntu mukurikirana , umuturanyi na we ntazagukorera ku mwana, none se muragira ngo bigende gute? ababyeyi nitwe tugomba guha uburezi bw’ibanze abana bacu kandi dufite n’inshingano zo gufata abakozi bacu neza kuko iyo tubafashe nabi ingaruka ziba ku bana

Agira ati, “N’iyo twatwarwa n’imirimo gute dukwiye gushaka umwanya wo kwita ku bana bacu niba twifuza igihugu cyiza mu minsi iri imbere”.

Umuyobobozi wa Coalition Umwana ku isonga avuga ko n’ubwo hari ibyo Leta ikwiye gushyiramo imbaraga ngo ifatanye n’abababyeyi kurera abana babo, atari yo ikwiye gufata iya mbere ku burere bukwiye bw’umwana.

JPEG - 176.8 kb
Umuyobobozi wa Coalition Umwana ku isonga mu Rwanda Sekanyange Jean Leonard

Ku rundi ruhande Umukozi w’urwego rwa Leta rushinzwe abana [MIGEPROF] wari witabiriye iy’inama Hategekimana Lambert yasabye abanyarwanda bose kugira inshingano umuco wo kurwanya ihohoterwa rikorerwa abana.

Yagize ati”Abaturarwanda twese dufite inshingano yo gukumira no kurwanya ihohoterwa rikorerwa abana kandi buri wese akabigira ibye. Ababyeyi bakwiye kujya baganiriza abana babo, bakabakunda kandi bakabarinda"

Agaragaza ko hakenewe ubufatanye kandi ababyeyi bakwiye kwishakamo umwanya ukwiye mu kwita ku burere bw’abana babo.

Leta ifite inshingano zo kwita ku muryango ni byo koko, ariko si yo izafata iya mbere ngo irere abana mwa byaye,ni ngomwa ko twese dufatanya gushaka uko turerera igihugu”.

Yasabye ababyeyi gukurikiranira hafi uburere bw’abana babo cyane , bakamenya uko biriwe n’ibyo biriwe bakora kugira ngo bakumire ihohoterwa iryo ari ryo ryose, kuko guharira abana abakozi gusa ubwabyo ari kibazo.

JPEG - 179.9 kb
Umukozi w’urwego rwa Leta rushinzwe abana [MIGEPROF] wari witabiriye iy’inama Hategekimana Lambert

Hategekimana yasoje avuga ko ihohoterwa iryo ari ryo ryose rikorerwa mu ngo, riri mu ntandaro z’ibibazo byugarije abana , ari na byo bikurura ibibazo byo kwishora mu busambanyi n’ibiyobyabwenge ndetse n’icuruzwa ry’abantu. akaba yasabye abaturage bose kuba ijisho kandi aho bamenye ihohoterwa rikore we umwana bakihutira gutangira amakuru ku gihe ku nzego zibegereye, kugira ngo ubutabera butangirwe igihe.

JPEG - 228.7 kb
Inama yari yitabiriwe n’inzego zitandukanye, harimo ababyeyi, abahagarariye amadini, abarezi, abanyamategeko n’inzego z’umutekano

Salongo Richard


Tanga igitecyerezo

Ibitekerezo


Tanga igitekerezo


Izindi nkuru

Inkuru zikunzwe